1-dars adobe Photoshop dasturi va asosiy tushunchalari

1-DARS Adobe Photoshop dasturi va asosiy tushunchalari.

Hozirda rastrli tasvirlar muharrirlari orasida peshqadam hisoblangan, fotograf va dizaynerlarning eng yaqin “ish quroliga” aylanib qolgan Photoshop dasturining dunyoga kelishi aslida AQShlik aka-uka Nollarning 1987 yili hamkorlikda olib borgan izlanishlariga borib taqaladi. Ulardagi fotografiya va kompyuterga bo’lgan qiziqish otalari Glen Nolldan meros edi. Glen Noll fotografiya va kompyuter ishqibozi edi. Glenning omborida shaxsiy qorong’i xonasi va ishxonasidan uyda ishlatib turishga ruxsat olgan Apple II Plus kompyuteri bor edi. Tomas Noll otasining qorong’i xonasida ranglar korreksiyasi va kontrastni o’rganib ermak qilardi. Jon esa otasining Apple II Plus kompyuterini timirsqilardi.

1987 yili Tomas Noll, Michigan universitetida o’qiyotgan paytlarida ilmiy ishi uchun Macintosh Plus kompyuterini sotib oladi. Tomas yangi kompyuter oq-qora (greyscale) tasvirlarni ko’rsata olmasligini aniqlab afsuslanadi. Muammoni hal qilish maqsadida maxsus dastur yozadi. Bu dastur Industrial Light & Magic da ishlaydigan akasi Jon Nollning e’tiborini tortadi. Jon dasturni to’laqonli tasvirlar muharririga aylantirishni muskunat beradi. 1988 yili Tomas o’qishidan ta’til olib, dasturni takomillashtirish ustida ishlaydi. Dastur turli nomlarga o’zgartirilib so’nggi Photoshop nomida qoladi. Bu muddat davomida Jon Silikon Vodiysiga safar qilib dasturga investorlarni izlaydi. Jon dasturni turli kompaniyalarga namoyish qiladi. Bir nechta muvaffaqiyatsiz namoyishlardan so’ng Jon dasturga Barneyscan nomli skanerlar ishlab chiqaruvchi kompaniyani qiziqtirishini uyg’otadi. Barneyscan kompaniyasi bilan qisqa muddatli hamkorlikda dasturni yangi skanerlar komplektida tarqatiladi. Shu yo’l bilan 200 atrofida Photoshop nusxasi sotiladi. Nihoyat Jon Adobe kompaniyasiga qilgan Photoshopning takroriy namoyishida kompaniya dasturni tarqatish litsenziyasini sotib olishga qaror qiladi. 1990 yilning fevralida Adobe Photoshop 1.0 sotuvga chiqadi.