1-dars adobe Photoshop dasturi va asosiy tushunchalari

Siqish (Compression) - Rastrli tasvirda ma’lumot saqlanishini mulohaza qilib ko’raylik. Tasvir nechta qator va ustundan iborat ekanligini va ularda joylashgan har bir

piksel uchun rang qiymatini aniqlashimiz tasvir uchun yetarli ma’lumotdir. Muammo shundaki, tasvirda piksellar soni oshib borgani sari tasvir hajmi ham oshib ketadi. Masalan, o’lchami 100 x 100 piksel bo’lgan oq rangli tasvirni olaylik. Tasvir haqidagi ma’lumotni o’lchami 100 x 100 piksel, va 10 000 ta pikselning har biri uchun rang qiymatini oq deb yozib chiqsak, tasvirdagi ma’lumot hajmi kattalashib ketadi. Endi biz aynan shu tasvir ma’lumotini tasvirda bitta oq rang bor va u 10 000 marta takrorlanadi deb yozsak, tasvirda ma’lumot hajmi ancha kamayadi. Mana shu uslub tasvirda ma’lumotni siqish algoritmiga misol bo’la oladi. Bu siqishga juda oddiy misol bo’lib, aslida grafik formatlar uchun siqish texnikasi juda murakkabdir.