1-боб. Машина деталлари

Червякли узатмалар
Червякли узатмалар ўзаро яқин айқаш жойлашган (кўпинча 90°С) бурчак ҳосил қилиб, валлар ўртасидаги ҳаракатни узатиш учун хизмат қилади.
Червякли узатмада ҳаракат узатиш винтли жуфтлар принципига асосланган бўлади.
Винт вазифасини червяк бажаради, червяк ғилдиракдаги гайка вазифасини ўтаб, червякли бирикма ҳосил қилади (1.9б-расм).
Червяк легирланган ёки углеродли пўлатдан, червяк ғилдираги бронза ёки чўяндан тайёрланади.
Бу узатмани афзалликлари: шовқинсиз ишлайди, жуда ихчам, юқори узатишлар сонига эга, 15м/с айланма тезлик билан 750 кВт қувватни узата олади. Асосий афзаллик, у ўзини-ўзи тормозлаш хусусиятига эга, айланма ҳаракат фақат червякдан ғилдиракка ўтади, акси бўлиши мумкин эмас.
Стрелали кранларда юк кўтариш, буриш ва юриш механизмларида кўп қўлланилади.


Занжирли узатмалар
Занжирли узатма етакловчи ва етакланувчи юлдузлардан ва уларни қамраб олувчи занжирлардан ташкил топган бўлади. Бу узатма, узатиш сони қиймати ўзгармаган ҳолда анча узоқ; 8 м гача бўлган ўзаро параллел валларга айланма ҳаракат узатиш учун хизмат қилади.
Тузилиши жиҳатдан роликли, втулкали ва тишли занжирлар қўллани­лади.
Занжирли узатмалар афзалликлари: ўлчамлари айтарли катта эмас, массаси кам, алмаштириш осон, ўқлараро масофанинг чегараланмаганлиги, ф.и.к. юқори. Камчилиги:ейилиши ҳисобига узаяди, шовқин чиқариб ишлай­ди, тўсатдан узилиб кетиши мумкин.
Ўқлари билан биргаликда ҳаракатланадиган цилиндрик тишли ғилдираклардан иборат узатмалар мажмуаси планетар узатмалар дейилади


Назорат учун саволлар

1. 
   Машина ўзи нима?
   
2. 
   Оддий, умумий ва махсус деталларнинг фарқи нимада?
   
3. 
   Деталларга қуйиладиган талабларни изоҳланг.
   
4. 
   Жоиз ўлчам (допуск) тўғрисидаги қийматлар аниқлигини тушунтиринг.
   
5. 
   Ўтқазиш (посадка) тўғрисида нимани биласиз?
   
6. 
   Бирикмаларни турларини тушинтиринг
   
7. 
   Ажраладиган бирикмаларни изоҳланг.
   
8. 
   Узатма турларини айтинг, камчиликлари ва афзалликларини тушунтиринг.
   

1.7-расм. Тасмали узатмалар; а - ясси тасмали; б - понасимон тасмали; в - ярим понасимон тасмали; г - доиравий тасмали;

1.8-расм. Тишли узатмалар

1.9-расм. а – Планетар; б – Червякли узатма.