1-БЎлим. Бахтли ҳаёт асослари бахтнинг баҳоси қанча?

БУНИ ЁДДА ТУТИНГ! 
Оила инсон ҳурриятининг ярмини йўқотади, лекин бахтини икки ҳисса орттиради, 
масъулиятини кўпайтиради. Оиласи учун ишлаган, фидокорлик кўрсатган инсон ўзгача ҳузур-ҳаловат 
топади. 
ЭНГ МАРОҚЛИ ҲОРДИҚ ОИЛА ДАВРАСИДА БЎЛАДИ 
Эркак – кўчанинг одами. Истаган маҳал хоҳлаган жойга бориб дам олади, ошхўрлик қилади, 
ҳордиқ чиқаради. Қисқаси, ҳар куни уйдаги бир хил ѐвғонни ичишга мажбур эмас. Хотин, бола-чақа 
эса... 

---

85 
Тўғри-да, бешинчи синфда ўқиѐтган қизчангиз кафега бориб, дугоналари билан ўйнаб 
келишига ѐки энди учинчига ўтган ўғлингиз тенгқурлари билан марказга бориб, кабобхўрлик 
қилишига қўйиб берасизми? Албатта, йўқ! Ёки сизга шириндан-шакар фарзандлар туғиб бериб, неча 
йиллардан бери уйингизни саранжом-саришталаб, камингизни тўлдириб, қўли косов, сочи супурги 
бўлиб, кеча-кундуз хизматингизни қилиб келаѐтган турмуш ўртоғингизни лоақал ойда бир марта 
бирон жойга олиб бориб, икки-уч соатгина яйратиб келарсиз? Би-ир ҳаракат қилиб кўринг-чи, шундай 
қилганингизни эслай оласизми? 
“Маишатни эркакка чиқарган-да!” деб ўзингизни оқламанг. Тўғри, яхши яшаш, яхши ишлаш, 
кўнгилдагидек дам олиш жуда соз иш. Лекин вужудингизнинг иккинчи ярми рафиқангиз, 
жигарингизнинг бир пораси фарзандларингиз бир неча кундан бери уйда гўштсиз овқат ичиб 
ўтирганида чойхонада барра кабоб томоғингиздан қандай ўтади? 
Энди инсоф билан ўзингизга савол бериб кўринг: оила аъзоларингиз ичида ким энг кўп меҳнат 
қилади? Сиз эртадан кечгача битта жойда ўтириб, нари борса, у ѐқ-бу ѐққа бориб келиб кунни кеч 
қиласиз. Шу – сиз учун иш. Аѐлингиз эса уйда – сизнинг тилингиз билан айтганда – бекорчи. Лекин 
ўша “бекорчи” аѐл уйда ҳар куни қиладиган юмушларни лоақал ярим кун ҳам эплолмаслигингизни 
яхши биласиз. Агар кўп ишлаган, фарзанд тарбияси, уй юмушлари билан кўпроқ банд бўладиган одам 
дам олиши керак бўлса, сиз учун ҳордиққа сира ҳожат қолмаслигиниям тушунармикансиз? 
Аѐлингиз кўнгли учун биттагина “чойхона”дан воз кечиб, фарзандлар билан оилавий ҳордиқ 
чиқарсангиз, улар қанча қувонишини тасаввур қилиб кўрганмисиз? Болаларингиз ўша кунни эсидан 
чиқармасдан, “Дадам бизни фалон жойга обордилар!” деб, фахр билан тинмай гапириб юришларини-
чи? 
Ошингизни пишириб-сузиб олдингизга қўядиган, уст-бошингизни ювиб-артиб, дазмоллаб 
ярақлатиб берадиган, иссиқ-совуғингизга ҳамиша кўз-қулоқ бўлиб турадиган, доим кўнглингизга 
қараб иш тутадиган, атрофингизда парвона бўлиб, айланиб-ўргиладиган оилангиз бир ѐқда қолиб, 
маишатни нуқул бошқалар билан қилишингиз инсофданмикан? 
Улфатлар билан ҳар куни чойхўрлик, ошхўрлик қилавериб, дунѐда оилавий ҳордиқ, оилавий 
дам олиш деган нарсалар ҳам борлиги хаѐлингиздан кўтарилиб кетмадими?.. 
УНУТМАНГ! 
Уйдаги жанжалнинг ғолиби йўқ. Ҳам эркак, ҳам аѐл бундан азият чекади, болалар ҳам зарар 
кўради. Зеро, сержаҳл оилаларда меҳрсиз фарзандлар улғаяди!