1-БЎлим. Бахтли ҳаёт асослари бахтнинг баҳоси қанча?

ЭР ОМАДЛИМИ, ДЕМАК, ХОТИНИ ЯХШИ! 
Аѐллар назарида эркаклар икки тоифага бўлинади: омадлилар ҳамда бир умр омадли бўлишга 
интилса-да, бирон натижага эришолмайдиганлар. Аммо бундай фикрга келишдан олдин масаланинг 
яна бир нозик жиҳатини унутмаслик керак: омадсиз эркакнинг омадсизлигига аѐлнинг ўзи сабаб 
бўлади. 
Тажрибали психологлар айтишича, эркакнинг омадли ѐки омадсиз бўлиши у билан бир ѐстиққа 
бош қўйган аѐлга бевосита боғлиқ экан. Эркак ҳамиша аѐли ѐнида бўлишга, бирон жойга кетса ҳам 
тезда янгича куч, ўзгача таассуротлар билан қайтишга ҳаракат қилади. Аѐл эркак учун гўѐ илҳом 
манбаи, дейиш мумкин. Тўғри, аѐл иштирокисиз бойлик, мансаб-мартаба поғонасидан мунтазам 
кўтарилиб боришни истайдиган, бор куч-қувватини, иқтидорини шунга сарфлайдиган эркаклар ҳам 
йўқ эмас. Бироқ шундай эркаклар бор, улар суюкли аѐли учун қаҳрамонлик кўрсатишга тайѐр туради. 

---

81 
Эркак киши деярли ҳар доим қувончу дардлари, муаммолари ҳақида аѐли билан сирлашади. 
Узоқ йил бир аѐл билан яшаган эркак учун турмуш ўртоғи куч бағишловчи, руҳлантирувчи манба, 
қўллаб-қувватловчи, суянса бўладиган кишига айланади. 
Баъзи эркаклар узоқ вақт бир аѐл билан яшаб, ундан фарзанд кўриб, кейин ѐшроқ, 
чиройлироғини топиб олиб, аввалги рафиқасини ташлаб кетади. Бунда икки томондан ҳам хато ўтган 
бўлиши мумкин. Негаки, қарс бир қўлдан чиқмайди. Аслида эркак ўзи билан узоқ йиллар аҳил-иноқ 
турмуш кечира оладиган, қалбидаги ҳисларини, меҳр-муҳаббатини мол-дунѐдан устун қўя оладиган 
аѐл билан яшашни истайди. 
Эркаклар тўғри қарорга келишга туртки бера оладиган, ҳар жиҳатдан қўллаб-қувватлайдиган 
аѐлларни ѐқтиради, уятни бир чеккага йиғиштириб қўйиб, жазавага тушганча бор овозда бақир-чақир 
қиладиган аѐлларни умуман хуш кўрмайди. Кўпинча аѐлининг енгилгина шаъмаси сабаб эркак тўғри 
қарорга келиши мумкин. Аѐли тўғридан-тўғри буйруқ берса, эрига маломат тошларини ѐғдирса, 
фикриниям, ўзиниям менсимаса, бундай эркакнинг кўзига дунѐ тор, атрофдагилар ѐмон бўлиб 
кўринади, иши унмайди, руҳиятида салбий ўзгаришлар бўлади. 
Мутахассислар айтишича, уйида қўллаб-қувватланмаган эркакда бирор салмоқли режани 
амалга ошириш учун ортиқча куч, рағбат, интилиш бўлмайди. Эркакнинг омадли бўлиш орзуси эса 
ҳар жиҳатдан ўзига мос келадиган аѐл билангина амалга ошиши мумкин. Қўллаб-қувватлаш сўз ѐки 
жумлаларда бўлиши шарт эмас. Баъзида биргина нигоҳ, енгилгина табассумнинг ўзи ҳам етарли.