1-БЎлим. Бахтли ҳаёт асослари бахтнинг баҳоси қанча?

АЖРАЛИШЛАР ҚАНДАЙ ОҚИБАТЛАРГА ОЛИБ КЕЛАДИ? 
Агар ажралишлар таъсирини санайдиган бўлсак, қуйидагиларни айтиш мумкин: 
Жамият учун – нотўлиқ оилалар сони кўпаяди, оилалараро адоват юзага келади, бир жинснинг 
иккинчи жинсга нисбатан нафрати пайдо бўлади, фоҳишабозлик ортади, тери-таносил касалликлари 
кўпаяди, шахснинг ижтимоий фаоллиги сусаяди. 
Эркаклар учун – ѐлғизлик ҳиси ортиши, гиѐҳвандлик, ичкиликка берилиш, турли касалликлар. 
Аѐллар учун – ѐлғизлик ҳиси ортиши, қайта оила қуриш имконияти чеклангани, неврозлар, 
стресслар, турли хасталиклар, ўз жонига қасд қилиш... 
Аниқланишича, кўп ҳолда ажралиш қурбони аѐл бўлади. Ажралиш эркакларга нисбатан 
аѐлларнинг келгуси ҳаѐтига, болалари тарбиясига, аѐл саломатлигига, руҳиятига, уйдагилари билан 
бўладиган муносабатларига салбий таъсир кўрсатади. 
Эр-хотинлардан бирининг вафот этиши ѐки ажралиш сабабли оилалар нотўлиқ бўлиб қолиши 
мумкин. Ота ѐки онанинг вафот этиши норасида болалар учун жуда оғир фожеа, улкан жудолик. 
Бундай кун ҳеч кимнинг бошига тушмасин! Шундай ҳолатларда марҳумнинг ҳурмати сақланиб 
қолади, унга нисбатан ижобий муносабатда бўлинади. Бироқ эр-хотин ажралиши сабаб юзага келган 
нотўлиқ оилаларда “тирик етим” болалар пайдо бўлади... 
Ажралиш фақатгина оиласини йўқотган эр-хотинга эмас, отасиз қолаѐтган фарзандларга ҳам 
салбий таъсир кўрсатади. Аниқланишича, ўз отасига меҳри, ҳурмати етарлича шаклланмаган қиз 
келажакда оила қурганда турмуш ўртоғига ҳам ҳурматини тўлиқ ифодалай олмайди. Отасиз қолган 
ўғил болалар ҳам бундан кўп азият чекади, қалби кемтик бўлиб ўсади. 
Шу билан бирга, ажралиш келин-куѐвлар ота-онаси руҳиятига, саломатлигига, қудалар 
орасидаги муносабатларга путур етказади. Бунда ҳам куѐв томондан кўра келин тараф – унинг ота-
онаси кўпроқ жавр чекади. 
Демак, ажралиш ортидан келадиган зарарлар ҳақида мушоҳада юритиб, бирон қарорга 
келишдан олдин яхшилаб ўйлаб кўрилса, мана шундай кўнгилсизликлар келиб чиқмайди
61
.