1. Biologik membranalar: tuzilishi, kimyoviy tarkibi va asosiy vazifalari

72. Neyrulyatsiya, homila varaqalari gistogenezi va differentsirovkasi.
Embrion taraqqiyotining to’rtinchi xaftasida neyrulyatsiya jarayoni sodir bo’ladi. Uning natijasida MNS va PNSning hujayralari hosil bo’ladi. Ektodermadan nerv nayi hosil bo’lishi uning ostida yotgan homilaning o’q a’zosi bo’lmish notoxord signali ta’sirida ro’y beradi. Ektodermaning o’rta-dorzal qismida epitelial nerv plastinkasi shakllanadi. Nerv plastinkasi ikki chetlari buralib bir-biri tomon o’sishi natijasida nerv tarnovchasi shakllanadi. Nerv tarnovcha chekkalari o’zaro tutashib nerv nayini hosil qiladi. Nerv nayi hosil bo’lishdan oldin tarnovcha chetlaridan mezenxima hujayralari to’dasi ajralib chiqib ektoderma va nerv nayi orasiga joylashadi. Shu tariqa nerv qirrasi shakllanadi. Nerv nayini qoplab turgan ektodermadan esa terining epidermis qavati rivojlanadi. Nerv naychaning kranial qismidan bosh, kaudal qismidan esa orqa miya hosil bo’ladi. Nerv naychasi va epidermis orasida joylashgan nerv qirrasi hujayralari darhol lateral tomonga ko’cha boshlaydi. So’ngra ulardan sezuvchi nerv gangliylari va PNSsining boshqa barcha hujayralari hosil bo’ladi.