1. Bilimlarni baholash texnologiyalari. Didaktik testlar va ulardan bilimlarni nazorat qilishda foydalanish

11-maruza
Bilimlarni baholash texnologiyalari. Didaktik testlar va ulardan bilimlarni nazorat qilishda foydalanish; kompyuterli testlash dasturlari
Reja
1.Bilimlarni baholash texnologiyalari.
2.Didaktik testlar va ulardan bilimlarni nazorat qilishda foydalanish;
3.Kompyuterli testlash dasturlari
Kalit so’zlar:Test,Didaktik test,kompyuterli test dasturlari,Baholash,Topshiriq.

1.Bilimlarni baholash texnologiyalari.

Baholash – bu ta‘lim tizimi strategiyasi muvofiqligining, samaradorligining va uni rо’yobga chiqrishning keyingi tahlilini maqsad qilib qо’ygan jarayon. Baholashning muhimligi u yuz berayotgan о’zgarishlarni monitoring qilish, tizimning hamda uning tarkibiy qismlarining kuchli va zaif tomonlarini imkon qadar ilk bosqichda aniqlash uchun hamda ushbu tizimning samarali (samarasiz) amal qilishini, sabablari bilan birga, tavsiflash uchun xizmat qiladigan vosita ekanligidan kelib chiqadi.
Muvaqqat kо’rsatkichlar nuqtai nazaridan qaraganda, baholashdan maqsad – u о’tgan faoliyatnigina emas, balki joriy faoliyatni ham baholash, shuningdek, istiqbol uchun tavsiyalar ishlab chiqishdir. Ustiga ustak, baholash turli vaqtlarda va turli mintaqalarda amal qilib turgan xilma-xil tizimlar hamda ularning atrkibiy qismlarini qiyoslash uchun vositadir.
Baholashdan maqsad – ta‘lim tizimi va uning tarkibiy qismlari DTS asosida tavsiflanishi mumkin bо’lgan kо’rsatkichlarning umumiy shkalasini ta‘minlash.
Baholash asosan to’rt xil ko’rinishda amalga oshiriladi:

• 
  Test sinovi natijasini baholash;
  
• 
  Amaliy mashq natijasini baholash;
  
• 
  Turli topshiriq (kurs ishi, reforat mustaqil ish) larni baholash;
  
• 
  Mavzu bo’yicha nazorat savoliga berilgan javobni baholash.
  

Test topshirish tizimlari - maxsus dasturlar yordamida o’quvchilarning amaliy va nazariy bilimlarni tekshirishning asosiy vazifasi bu talabalar bilimlarini tekshirib ularni baxolashda ishlatiladi.