1. Animatsiya madaniy dam olish faoliyati sifatida. "Bo'sh vaqt", "dam olish", "rekreatsiya", "turistik faoliyat", "madaniy dam olish faoliyati" tushunchalari

6-Modul. Mehmonxonada animatsiya xizmatlari va dasturi.


Reja:


1. Mehmonxona majmuasida animatsiya dasturining mazmuniga ta'sir etuvchi omillar.
2. Mehmonxona animatsiya dasturlari turlari.
3. Mehmonxonalarda animatsiya xizmatlari.


1. Mehmonxona majmuasida animatsiya dasturining mazmuniga ta'sir etuvchi omillar

Animatsiya - ta'til va dam olish davrida ijobiy kayfiyatni yuzaga chiqishidir.

Mehmonxona majmualarida xizmatlarni tashkil etish, animatsion dasturlarni ishlab chiqish va turistlarga taqdim etish mehmonxonaning ichki imkoniyatlari, xizmatlar to’plami yordamida amalga oshiriladi, animatsiya xizmatlarini tashkil etish bo’yicha turistik korxonalar o’rtasida raqobat shakllanadi. Animatsiya dasturlari ma'naviy manfaatlari sohasi doirasidagi sport o'yinlari, raqslar, karnavallar, o'yinlar, mashg’ulotlarni o'z ichiga oladi. Kurortli mehmonxonalarda individual va jamoaviy dam olish, jonli o'yin-kulgi va boshqa dasturlar rivojlanib bormoqda.
Turistik-mehmonxona kompleksi - qonunga muvofiq har tomonlama turistik xizmatlar ko'rsatuvchi, mol-mulk, ish va faoliyatdan foydalanishni tizimli amalga oshiruvchi, foyda olishga qaratilgan xizmatlar kompaniyasidir.
Animatsiya dasturlari turistlarning dam olish faoliaytini tashkil etishga qaratilgan. Ular tomoshabinlarning vaqtini xushchaqchaq o’tkazishi kerak. Amaliyot shuni ko’rsatadiki, animatsiya dasturlari odamlarda ijobiy his-tuyg'ularni uyg’otishi mumkin, boshqa ba'zi bir odamlarda esa - aksincha. Animatsiya dasturlarini tashkil qilish va o’tkazish jarayoni faqat auditoriya, ishtirokchilar va ijrochilar faoliyatiga emas, boshqa lo’plab omillarga bog'liq:
- Ishtirokchilar yoki tomoshabinlarning yoshi;
- Individual tomoshabinning jinsi va guruhdagi tomoshabinlarning tarkibi;
- Etnik mansublik;
- Qaysi diniy mazhabga tegishli ekanligi;
- Animatsiya dasturini olib borilayotgada kishilarning tilni tushunish darajasi yoki pantomima texnikasi;
- Shaxs yoki shaxslar guruhining bilim va aql darajasi;
- Guruhli va individual turistlarning milliyligi, mentaliteti;
- Animatsiya voqealarining joyi va vaqti;
- Ushbu dasturni amalga oshirish vaqtidagi kayfiyat;
- Animatorning professional o'quv va sport bo’yicha tayyorgarligi darajasi;
- Uning muloqot qobiliyatlari, shaxsiy jozibasi;
- Liderlik qobiliyati;
- Ijrochining iqtidori va san'at darajasi;
- Animatsiya dasturining individual va guruhlarda ishlash elementlari bo’yicha tajribasi;
- Dasturni amalga oshirishda sport uskunalari, yorqin liboslar, badiiy sahna, ovoz va yorug'lik singari vostitalarning mavjudligi.
Turistlarning ehtiyojlari va mavjud imkoniyatlar asosida tashkil etiladigan animatsiya faoliyati turlari va ko’rinishlari quyidagicha bo’lishi mumkin:
Davolash-sog’lomlashtirish turi inson salomatligini yaxshilash va qayta tiklashga qaratilgan (inson sog’lig’ini tiklashda kuchli jismoniy mashqlar tavsiya etilmaydi). Ushbu turning o’ziga xos hususiyati shundaki, sog'liqni saqlashga xizmat qiluvchi mashg’ulotlar o’yinli dasturlar, ko’ngilochar mashg’ulotlar yordamida, umumlashtirilgan holda o’tkaziladi.
Tabiiy-rekreatsion turi turistlar tomonidan tanlangan joylar va hududlar – tog’lar, tekisliklarda amalga oshirilishi mumkin. Ushbu tur tabiat qo’ynida dam olish, uy va tabiatdagi ekzotik yovvoyi hayvonlar bilan muloqot qilish, tabiat hodisalarini kuzatish, zooterapiya kabi hususiyatlar bilan xarakterlanadi.
Sport ko’rinishidagi tur sport musobaqalarida ishtirok etish va ularni kuzatish, sport raqslarida qatnashish kabilar bilan xarakterlanadi.
Madaniy-rivojlantiruvchi turi butun dunyodagi ilm istovchilarning istagiga mos keladi. Bu tarixiy, madaniy va muzeyli turizm - sevimli voqealar, qadimiy yodgorliklari bilan tanishuv, xalqaro film festivallariga tashriflar, teatr-ko'ngilochar tadbirlarda ishtirok etish va boshqa ko’rinishlarda bo’lishi mumkin.