|
Cut-Trough kommutatorlari eng oddiy va tez ishlovchi bo'lib, paketlarni buferlashtirmaydilar hamda hech qachon tanlov olib bormaydi. Ular paketning faqat bosh qismidagi qabul qilish qurilmasining 6 baytli manzilini o'qib va ulash haqida qaror qabul qiladi. Bu ish uchun ba'zi bir kommutatorlar 10 bit oralig'idagi vaqt sarflaydi. Natijada, kommutatordagi ushlanish buferlashtirish vaqti va shuningdek, ulanish vaqti bilan birgalikda 150 bitli oraliqni tashkil qilishi mumkin. Albatta, bu vaqt repiterli konsentratorlar vaqtidan katta, lekin har qanday ko'priklardagi qayta tiklashdagi ushlanish vaqtidan ancha kamdir.
Bu turdagi kommutatorning kamchiligi har qanday paketni qaytadan tiklab uzatib yuboradi, hattoki, xato paketlarni ham uzatib yuboradi, bu esa, tarmoq ish unumini kamaytiradi. Bir tarmoq qismidagi xatolik tarmoqning boshqa qismiga qayta tiklab uzatib yuboriladi. Yana bir kamchiligi tez yuklama oshishiga olib keladi va yuklama oshgan holda qayta ishlov berishni yomon olib boradi. Shuning uchun Cut-Trough kommutatorini sekin-asta ancha yuqori darajada ishlovchi Interim Cut-Trough Switching (ICS) kommutatorlari siqib chiqarmoqda. Bu turdagi kommutatorlarda kichik (karlik) kadrlarni uzatmaslik imkoniyati mavjud, lekin Cut- Trough kommutatorining kamchiliklari bu kommutatorda ham saqlanib qolgan.
Store-and-Forward kommutatorlari eng qimmat, murakkab va bu turdagi qurilmalar orasida mukammali. Ular ko'priklarga ancha yaqin va Cut-Trough kommutatorlarida mavjud kamchiliklardan xolidir. Ularning asosiy afzalliklari qayta tiklanayotgan paketlarni ichki bufer xotira FIFOga to'liq saqlab qo'yishdan iborat. Bu holda bufer o'lchami paketning maksimal uzunligidan kam bo'lmasligi kerak. Tabiiyki, ulash vaqtining uzayishi sezilarli oshadi, u 12000 bit oralig'idan kam bo'lmaydi. Xato va kichik kadrlar bu turdagi kommutatorlarda filtrlanadi. Yuklanishlar esa, kam hosil bo'ladi. Xotira qurilmasining sig'imi qancha katta bo'lsa, kommutator yuklanish holatlarini shuncha yaxshi yenga oladi. Lekin xotira hajmi oshgan sari, qurilma narxi ham oshib boradi. Ba'zi hollarda kommutator tarkibida protsessor ham bo'ladi, lekin ko'pincha kommutatorni tezligi katta bo'lgan maxsus integral sxemalarda hosil qilinadi. Ular faqat paketlarni ulash vazifasiga ixtisoslashtirilgan bo'ladi.
SAF kommutatorlari boshqa kommutator turlariga nisbatan bir vaqtning o'zida turli tezlikda uzatishni qo'llashlari mumkin (10 Mbit/s va 100 Mbit/s). Paketni to'liq buferlashtirish uni qa- bul qilingan tezlikdan boshqa tezlikda uzatishga imkon beradi. Natijada, kommutator portlarining bir qismi Ethernet tarmog'i bilan, qolgan ikkinchi qismi esa Fast Ethernet tarmog'i bilan ishlashi mumkin. Ba'zi bir kommutatorlar o'z portlarini avtomatik ravishda portga ulangan segmentning uzatish tezligiga moslaydi. Shuning uchun SAF kommutatorlari Ethernetdan Fast Ethernetga o'tishni sezilarli ravishda yengillashtiradi. Gigabit Ethernet bilan 1000 Mbit/s tezlikda aloqani tashkil qiluvchi kommutatorlar ham mavjud. Ko'priklardan farqli kommutatorlarda paket formati yo'q, shuning uchun turli formatli tarmoqlarni ular yordamida birlashtirib bo'lmaydi.
Shuningdek, moslashuvchi (adaptivno’e yoki gibridno’e) deb nomlangan kommutatorlar ham ishlab chiqariladi, ular avtomatik ravishda Cut-Trough ish tartibidan SAF ish tartibiga va teskarisiga o'ta oladilar. Kam yuklama bo'lgan holatida va xatoliklar darajasi kam bo'lgan hollarda ular xuddi tez ishlovchi Cut-Trough kommutatorlaridek ishlaydi, tarmoqda xatoliklar ko'p bo'lib, katta yuklama bo'lgan holatida ular sekin ishlash tartibiga o'tib, SAF kommutatorlari singari sifatli ish bajaradi.
To'liq dupleks ish tartibining afzalliklari va kamchiliklariga biroz to'xtalib o'tamiz. O'ralgan juftlik va shisha tolali kabellar ishlatilgan segmentda har qanday holda ham ikkita aloqa yo'li ishlatilishi kerak, ulardan biri axborotni bir tarafga uzatsa, ikkinchisi boshqa tarafga uzatadi. (Bu 100 BASE-T4 segmentiga taalluqli emas, unda ikki tomonga yo'nalgan o'ralgan juftlik ikki tomonga navbat bilan axborot uzatadi). Lekin standartlashtirilgan yarim dupleksli ish tartibida axborot bu aloqa yo'llaridan bir vaqtning o'zida amalga oshirilmaydi. Ammo bu aloqa yo'li orqali ulangan adapter va kommutatorlar to'liq dupleks ish tartibini qo'llasa, u holda axborotni bir vaqtning o'zida uzatish mumkin bo'ladi. Tabiiyki, adapter va kommutator apparaturasi bu holda tarmoqdan kelayotgan paketni qabul qilishni va o'zining paketini bir vaqtning o'zida uzatishini ta'minlashi kerak, albatta.
To'liq dupleksli ish tartibi har qanday kolliziya holatiga o'rin qoldirmaydi va SCMA/CD murakkab almashinuvni boshqarish algoritmidan foydalanishga hojat qoldirmaydi. Abonentlardan har biri (adapter va kommutator) bu holatda xohlagan vaqtda tarmoqning bo'shashini kutib turmasdan axborot uzatishi mumkin. Natijada, tarmoq 100 % yuklamaga yaqin bo'lgan taqdirda ham o'z vazifasini bemalol bajaradi (yarim dupleks ish tartibida 30—40 % dan ko'p emas). Ayniqsa, bu ish tartibi yuqori tezlikda ishlovchi server va yuqori unumli ish stansiyalari uchun qulay sharoit yaratadi.
Bundan tashqari, SCMA/CD usulidan voz kechishlik avtomatik ravishda tarmoq o'lchamiga qo'yiladigan chegaralash shartlarini olib tashlaydi. Bu esa, Fast Ethernet va Gigabit Ethernet tarmoqlari uchun muhimdir.
To'liq dupleks ish rejimida axborot almashinuvi olib borishda, har qanday tarmoq uzunligiga chegara qo'yish faqat signalning aloqa muhitida so'nishigagina bog'liq bo'ladi. Shuning uchun, masalan, Fast Ethernet va Gigabit Ethernet tarmoqlarida shisha tolali segmentlarning uzunligi 2 km va undan ham ko'p bo'lishi mumkin. Standart yarim dupleks ish tartibida va SCMA/CD usuli qo'llangan holda amaliy jihatdan bu ko'rsatkichga erishib bo'lmaydi, chunki signalning ikki hissa tarqalish vaqti Fast Ethernet uchun 5,12 mks.dan oshmasligi kerak, Gigabit Ethernet uchun esa 0,512
Do'stlaringiz bilan baham: |
