1-amaliy mashg’ulot. Saf va tartiblash mashqlarini o’rgatish. Umumrivojlantiruvchi mashqlar o’rgatish. Аkrоbаtik mаshqlаrini o’rgаtish

AKROBATIKA MASHQLARI

Reja:

1. 
   Mashqlarning ta’rifi va tasnifi
   
2. 
   Akrobatika mashqlarini o‘rgatish
   

Mashqlarning ta’rifi va tasnifi

Akrobatika mashqlari, asosan, turli o‘qlar atrofida aylanma shakldagi harakatlar (umbaloq oshish, salto va boshq.)dan iborat. Ular akrobatika poyandozi va maxsus tuzilmali asboblar (depsinish «ko‘prik»chasi, sakratuvchi xoda, batut va boshq.)da bajariladi.

Akrobatika mashqlarining ko‘pchilik qismini g^£ayritabiiy sharoitlarda yakka yoki sherigi yordamida bajariladigan (akrobatik piramidalar) muvozanatli mashqlar tashkil qiladi.

Akrobatika mashqlari — fazoda har xil tezlikda harakatlanishda mo‘ljal olishni takomillashtirishning samarali vositalaridan biri. Shunga ko‘ra, ular hozirgi davrda fazogirlarni, shuningdek, har xil ixtisosli sportchilarni tayyorlashda keng qo‘llanilmoqda. Bu mashq- lar yordamida kuch, egiluvchanlik, jasorat va qat’iylik xususiyatlari tarbiyalanadi va rivojlantiriladi, muvozanat saqlash funksiyasi takomillashtiriladi.

Turli guruh mashqlari ketma-ketligi to‘g‘ri tuzilganda to‘g‘ri qaddi-qomat shakllantiriladi, bu esa maktab yoshidagi bolalar bilan o‘tiladigan mashg'ulotlarda juda muhimdir.

Akrobatika mashqlari uch guruhga bo‘linadi:

1. Akrobatik sakrashlar. Bu qisman yoki boshdan oshib aylanish mashqlari (dumalashlar, umbaloq oshishlar, to‘ntarilishlar, sal- tolar)dan iborat. Ular akrobatika poyandozida, shuningdek, maxsus jihozlarda yoki sheriklar yordamida bajariladi.

2. Muvozanat saqlash mashqlariga ko‘kraklarda, bilaklarda, boshda va qo‘llarda tik turish holatlarida muvozanat saqlash va boshqalar kiradi. Sherigini yoki mashq bajaruvchi guruh (3, 4, 5 va undan ortiq kishilar)ni muvozanat holiga keltirish.

3. Irg'itish harakatlari. Talabalar sherigini boldiridan, sonidan, panjalaridan, tovonidan va h.k. joylaridan ushlab irg‘itgandan keyin poyandozga yoki sherigining yelkasiga kelib tushishi bilan bog‘liq mashqlardan iborat.