1-Amaliy mashg’ulot: Ravishning ta’rifi, leksik grammatik xususiyatlari, ma’no guruhlari. Reja

1-Amaliy mashg’ulot: Ravishning ta’rifi, leksik grammatik xususiyatlari, ma’no guruhlari.
Reja:
1. Ravish haqida ma’lumot
2. Ravishning leksik xususiyatlari
3. Ravishning grammatik xususiyatlari
1-topshiriq. Sekin, tez, zo‘rg‘a, oz, ko‘p, ancha so‘zlari ishtiroda gap tuzing. Ularning ma’nosi va gapdagi vazifasini ayting.
2-topshiriq. Quydagi jadvaldagi ravish ma’no turlariga misollar yozing.

Holat ravishi	Payt ravishi	O’rin ravishi	Miqdor-daraja ravishi	Maqsad ravishi	Sabab ravishi

1-mashq. Ko’chiring. Berilgan gaplardan ravishlarni toping. Ularni guruhlarga ajrating.
1.Toshpoʼlatning yordamchilari birin-sirin kelishdi. 2. Gulzordagi anvoyi gullarning yaproqlarini birov erinmasdan bittalab artib chiqqanday. 3. Saroy uchun allaqancha taxta, yog’och, tunuka oldirib qo’ygan. 4. Ular yonma-yon oʼtirdilar. 5. Vodiylarni yayov kezganda, Bir ajib his bor edi menda. 6. Аshula eshitayotgan boʼlib, zimdan Chorini kuzatdi. 7. Siz bahuzur dam olib yotavering, darrov kelib ovqatga unnab yuboraman. 8. ...Yarim kechagacha chuvalchangnamo harflarni oʼz qoʼli bilan terib, birinchi nutqini zoʼrgʼa yozib boʼldi. 9. Halima oʼzining uchqoʼrgʼonlik ekanini bexosdan eslab qoldi. 10.Ertagayoq Abduhalilni Quvasoyga jo’nataman. 11. Hali u yerdan, hali bu yerdan gulduros qarsaklar eshitilgan bo’ldi.12. Keyin eski maktabga bir kun borsa, uchu kun bormaydigan odat chiqardi.
2-mashq. Ko’chiring, ravishlarni topib, ma’nosi, so’rog’i va grammatik xususiyatlarini ayting.
1.Ozroq podada yurmasa, biz bunda eplolmaydiganga o’xshaymiz. 2.Nizomjon u yoqdan bu yoqqa yuradi, sal tovush kelsa darrov alanglaydi.3. Tilmoch jim o’tirganini ko’rgan O’gilniyoz hola pastdan luqma tashladi. 4. Qo’shnikiga tomizg’i so’rab kirgan Hamaljon bir zumda bir talay gap topib chiqdi.5. Kattagina kul rang chamadonini ko’tarib olgan Feruza hozirgina o’zi tark etgan vagon bilan yigirma qadamcha yonma-yon yurib bordi. 6. Qiz etaklarini hilpiriatib oldinda shamoldek yelib borardi. 7. Quyosh deraza qirovini eritib har kuni bir tomchidan tuvakka sachratganidan Nigora bexabar edi. 8. Pastda toshqin Amu pishqirib, shag’illab ko’hna Orol tomon oqmoqda. 9. Elmurod noiloj indamaslikka majbur bo’ldi. 10. Dildor daladan qaytayotib yo’lni qisqartirish uchun ataylab tutzor oralab yurardi.
Talabalarni baholash: Darsda faol qatnashgan talabalari baholanadi.
Uyga vazifa: Bog’lanishli matn tuzib, unda ishtirok etgan ravishlarni tahlil qilish.