1-Amaliy mashg’ulot. Pn-4-45 o‘rnatma plugi konstrukstiyasi, texnologik ish jarayoni va rostlash Ishning mazmuni

1-Amaliy mashg’ulot.

PN-4-45 o‘rnatma plugi konstrukstiyasi, texnologik ish jarayoni va rostlash
Ishning mazmuni: PN-4-45 o‘rnatma plug konstrukstiyasi, texnologik ish jarayoni, rostlash usullari va ishchi organlarini o‘rganish.

Kerakli uskunalar va jihozlar: O‘rnatma PN-4-45 plug, plugning ishchi organlari, plakatlar, chizmalar, o‘quv adabiyotlari, o‘lchash asboblari to‘plami.

Ish hajmi: Laboratoriya mashg‘uloti 2 soat auditoriya vaqti va 1soat mustaqil ishlashga mo‘ljallangan.
Umumiy ma’lumotlar
Plug - erga asosiy ishlov berish uchun mo‘ljallangan qishloq xo‘jalik quroli. Pluglar lemexli va diskli bo‘ladi. Lemexli pluglar o‘z navbatida uch xilga ajraladi:

- dalalarni 18 sm gacha chuqurlikda haydash uchun mo‘l-jallangan yuza yumshatgich-pluglar;

- dalalarni 25...30 sm chuqurlikda shudgorlaydigan umumiy ishlarga mo‘ljallangan pluglar;

- yangi erlarda bog‘lar barpo etish uchun erni 40...60 sm chuqur haydaydigan maxsus pluglar. Bular jumlasiga plantaj pluglar, butozor-to‘qayzorlarni haydashga mo‘ljallangan pluglar, bog‘dorchilik va tokzor pluglari kiradi.

Lemexli pluglar ag‘dargichli va ag‘dargichsiz bo‘ladi. Lemex va ag‘dargich umumiy stoykaga biriktirilib, plugning lemex - ag‘dargichli korpusi deb ataladi. Haydov agregati harakatlanganda lemex - ag‘dargichli korpusning lemexi tuproq palaxsalarini ostidan qirqadi, ag‘dargich esa lemexdan uzatilayotgan palaxsani aylantirib ag‘daradi va ayni vaqtda uvalaydi. Pluglarning ag‘dargichsiz korpuslari tuproq palaxsasini ostidan lemex bilan qirqadi, ag‘darmasdan faqat uvalaydi, maydalaydi, palaxsalar o‘z holatini saqlaydi.

Oddiy (umumiy ishlarga mo‘ljallangan) lemex -ag‘dargichli pluglar tuproq palaxsalarini qirqib, o‘ng tomonga ag‘daradi. Tuproq palaxsalarini faqat o‘ng tomonga ag‘daruvchi pluglarning kamchiligi shundaki,haydov agregati yonma-yon o‘tganda harakat usuliga qarab har gal yoki ochiq egat, yoki tuproq uyumlangan marzalar hosil bo‘ladi. Bunday shudgorni ekishga tayyorlashda buldozerlar va boshqa qurollar bilan ishlov berishga to‘g‘ri keladi. Bu kamchilikni bartaraf etish uchun tekis haydash plutlaridan foydalaniladi. Bular aylanma korpusli, klavishsimon korpusli, mokisimon harakatlanuvchi va korpuslari frontal joylashgan pluglarga ajraladi. Hozir asosan aylanma korpusli pluglar ishlatiladi.