1-amaliy mashg’ulot: Mavzu: Tabiatshunoslik o’qitish vositalaridan o’rinli foydalanish

Savol va topshiriqlar quyidagi guruhlarga bo‘linadi:
1. Bilimlarni mustahkamlash uchun (O‘zbekistonda qanday g‘alla o‘simliklari o‘stiriladi? G‘alla poyasi nima deb ataladi? G‘allaning mevasi nima? Tarvuz, oshqovoq, ya’ni poliz ekinlarining mevasi boshqa o‘simliklar mevasidan nima bilan farqlanadi?...)
2. Mantiqiy tafakkurni rivojlantirish uchun (Nima uchun o‘simliklar barglarini to‘kadi? Nima uchun barglarning kuzgi rangi xira bo‘ladi ? O‘simliklarni ko‘paytirish nimaga kerak? Nima uchun qushlar issiq o‘lkalarga uchib ketadilar? Nima uchun yerni haydash vaqtida dalada zag‘chalar ko‘p bo‘ladi?...)
3. Kuzatish yordamida olingan bilimlarni qo‘llash uchun (G‘o‘za barglari g‘alla o‘simliklari barglaridan nima bilan farqlanadi? G‘alla o‘simliklar poyasi nima deb ataladi? G‘o‘za mevasi nima deb ataladi? Ko‘sak mevalar qanday rangga kiradi? Ular nima bilan to‘lgan? Urug‘lari nima bilan qoplangan? G‘o‘za urug‘ini tolalardan tozalang va oq qog‘oz orasida olib ezing. Qog‘ozda nima qoldi?...)
4. Tabiatshunoslik tushunchalarini solishtirish uchun (Plan xaritadan nima bilan farqlanadi? Qushlarning bahordagi ularning boshqa fasllardagi hayotidan nima bilan farqlanadi? G‘alla o‘simliklarining mevalarini qarab chiqing. Ularning o‘lchamini taqqoslang. G‘o‘za barglarini qarab chiqing. Bug‘day, makkajo‘xori, sholi barglari bilan taqqoslang. Ular nima bilan farqlanadilar?...)
Darslikdagi tasvirlar – bular matnlar
mazmuni bilan chambarchas bog‘liq va o‘rganiladigan materialni bilib olish manbai bo‘lib xizmat qiladi, shunga ko‘ra bolalarni har bir rasmni diqqat bilan ko‘rishga va sinchiklab yakuniga yetishga o‘rgatish kerak bo‘ladi.
Darslikdagi har bir rasmni o‘quvchilar tahlil qilishlari kerak. Barcha darslik matnga muvofiq keladi, ularning mazmunini tushuntiradi, aniqlaydi va to‘ldiradi.
Rasmlarga berilgan savol va topshiriqlar ham muhim, chunki ular o‘quvchilarning bilish faoliyatlari-ni yo‘naltiradi va sinfda hamda uyda tasvirlar ustida mustaqil ishlashga yordam beradi.