1-amaliy mashg’ulot mavzu: Jismoniy rivojlanish va sog‘lom turmush tarzini shakllantirish o‘z imkoniyatlari va yoshi bilan bog‘liq jismoniy rivojlanish me’yorlariga

3.3. Rivojlantiruvchi yondashuv.

Bolada tabiiy ravishdagi voyaga yetishning ahamiyatini tushunish va baxolash imkoniyatini beradigan rivojlantiruvchi yondashuvdir.Ushbu yondashuvga muvofiq bolalar:

• 
  o‘yin davomida atrofdagi dunyo haqidagi ma’lumotlarni o‘zlashtirib, faol o‘rganadilar;
  
• 
  rivojlanishning muntazam bosqichlaridan o‘tadilar;
  
• 
  o‘z hissiy va kognitiv (aqliy) rivojlanishlari uchun ijtimoiy o‘zaro ta'sirga muhtoj bo‘ladilar;
  

• 
  o‘z templarida individual tarzda rivojlanadilar.
  

3.4. Individuallashtirish.

Bu muhim vazifa hisoblanadi, chunki yondashuv qanchalik individual bo‘lsa, har bir bola rejalashtirilgan ta’lim natijalariga erishishi ehtimoli shuncha yuqori bo‘ladi va shu tariqa dastur yanada tekis va to‘g‘ri amalga oshiriladi. Tartib-intizom bilan bog‘liq muammolar kamayadi, bilim va ko‘nikmalar ko‘payadi. Individuallashtirish ta’limni bolaning yoshiga, qobiliyatiga, qiziqishi va ehtiyojlariga moslashtiradi. Bunda bolalar o‘zlarini hurmat qilish ko‘nikmalariga ega bo‘ladilar. Ular yanada murakkab vazifalarni bajarishga tayyor bo‘lishadi.
O‘qituvchi moslashuvchan va qiziqarli mashg‘ulotlarni rejalashtirishi va bolalarni yaqindan nazorat qilishi, kerak bo‘lganda materiallar va topshiriqlarni almashtirishi yoki moslashtirishi kerak. Bolalarni kuzatish va ota-onalar bilan suhbat natijasida o‘qituvchilar har bir bolaning kuchli, zaif tomonlari va qiziqishlari haqida bilib oladilar.
Pedagogik strategiya - tarbiyachilar bolalarga o‘z maqsadlariga erishishda yordam berish uchun foydalanadigan o‘ziga xos usullar majmuidir. Strategiya yoshning xususiyatlari va shaxsiy fazilatlarini hisobga olgan holda, bolaning qiziqishlariga, uning kuchli va zaif tomonlariga, o‘quv uslubiga asoslanadi.