1-amaliy mashg’ulot mavzu: Jismoniy rivojlanish va sog‘lom turmush tarzini shakllantirish o‘z imkoniyatlari va yoshi bilan bog‘liq jismoniy rivojlanish me’yorlariga

Maktabgacha ta’lim jarayonida maktabgacha yoshdagi bolalaruchun shaxsga yo‘naltirilgan ta’lim va tarbiya ustuvor model hisoblanadi.

3.1. Shaxsiy yondashuvning maqsadi.

Bu shaxsiyatning rivojlanishi, ya’ni bu ungama’lum bir standartlar va bosim asosida “o‘zgartirish” kiritish emas, balki “uni qanday bo‘lsa, shundayligicha qabul qilish” hisoblanadi.
Shaxsiy yondashuv ta’lim jarayoni subyektlarining shaxsiy mas’uliyatlari (funksiyalari) rivojlanishining to‘liq namoyon bo‘lishi uchun sharoit yaratishni o‘z ichiga oladi.
Shaxsiy funksiyalar - bu “barkamol shaxs bo‘lish” kabi ijtimoiy maqsadni amalga oshiruvchishaxs tomonidan ma’lum fazilatlarning namoyon bo‘lishidir.
Ta’lim jarayonini tashkil etishning asosi sifatida shaxsiy yondashuv shaxsning jamoa oldida tan olinishi va unda gumanistik munosabatlar o‘rnatilishini anglatadi. Bu munosabatlar natijasida bola o‘zini shaxs sifatida anglay boshlaydi va boshqa insonlarda (kattalar va tengdoshlarida) shaxsni ko‘rishni o‘rganadi. Tengdoshlar, bolalar kollektivi va o‘qituvchilar har bir bolaning imkoniyatlarini ro‘yobga chiqarish kafolati vazifasini bajaradilar. Har bir bolaning shaxsiy imkoniyatlarini amalga oshirish usullari o‘qituvchining qadriyatlar yo‘nalishiga, ya’ni uning moddiy va ma’naviy qadriyatlarga bo‘lgan munosabati, xulq-atvorda ifoda etiladigan munosabat, e’tiqod, afzalliklar tizimi bog‘liq.
O‘qituvchining qadriyatlar yo‘nalishi uning kasbiy faoliyatining yo‘nalishini belgilaydi. Shaxsiy yondashuv o‘qituvchining bolaga o‘zini shaxs sifatida anglashida, uning qobiliyatlarini aniqlashda va ochib berishda, bola tomonidan o‘z-o‘zini anglashni shakllantirishda,o‘zini anglashning ijtimoiy jihatdan ma’qul usullarini amalga oshirishda, o‘zini namoyon qilishda yordam ko‘rsatishni o‘z ichiga oladi.