1-амалий машғулот технологик жараён тузилиши ўрганиш

1-АМАЛИЙ МАШҒУЛОТ ТЕХНОЛОГИК ЖАРАЁН ТУЗИЛИШИ ўрганиш.

Ишнинг мақсади: Машинасозлик технологияси сохасидаги асосий тушунчалар ва атамалар билан танишиш. Технологик жараён тузилишини ишлаб чиқариш турига боғлиқлигини ўрганиш. Айланма сиртга эга бўлган деталларга механик ишлов бериш технологик жараёнини амалга ошириш тартибини ва тузилишини ўрганиш.


Назарий қисим
Технологик жараён (ТЖ) деб, ишлаб чиқариш жараёнининг бир қисми бўлиб, загатовкага ишлов бериш натижасида, унинг геометрик ўлчамлари, шакли ва сифати ўзгартирилиб, чизмада кўрсатилган детал ҳолатидаги ўлчамларига, шаклига ва сифатига мос келтирилишига айтилади. Деталларни тайёрлашда ёки йиғишда ТЖ бирқанча амалларни ўз ичига олади.
Технологик амал деб, - технологик жараённинг бир қисми бўлиб, битта ишчи жойда, битта ёки бир нечта бир вақтда ишлов берилувчи ёки йиғилувчи махсулотларни, битта ёки бир қанча ишчилар томонидан узлуксиз бажаришган ишга айтилади.
Технологик амал ишлаб чиқаришни режалаштириш ва учётга олишда асосий бирлик боълиб ҳисобланади. Амалларга асосланиб, махсулот (буюм) ишлаб чиқаришнинг иш ҳажми, вақт меёри ва нархи белгиланиб, керакли сонда ишчилар, асбоб-ускуналар, мосламалар, кескич асбоблар ва механик ишлов беришнинг таннархи аниқланади. Шу билан бирга ишлаб чиқаришнинг колендар режаси ҳамда сифатни назорат қилиш ва ишни бажариш муддати ишлаб чиқилади.
Технологик амаллардан ташқари ёрдамчи амаллар (транспорт, назорат, тамғалаш, қиринлиларни тозалаш ва бошқ.) ўчам ва сифатни ўзгартирмайди, аммо ТО ни бажариш учун зарур ҳисобланади.
Ишчи жой – Корхона структурасининг элементар бўлаги бўлиб, у ерда ишни бажарувчилар, улар томонидан ишлатилувчи технологик асбоб-ускуналар, конвеернинг қисми, вақтинчалик ускуналар, юк кўтарувчи кранлар ва меҳнат предметлари жойлаштирилган бўлади,
Ўрнатиш - технологик амалнинг бир қисми бўлиб, ишлов берилувчи загатовкалар ёки йиғилувчи йиғилма бирликларнинг мосламага ўзгаришсиз маҳкамланган ҳолатига тушунилади.
Технологик амаллар, бир ёки бир-неча маротаба ўрнатувларда бажарилиши мумкин.
Масалан: Токарлик дастгоҳида пўлат валикни уч қулоқли патронга ўрнатиб битта тарафига ишлов бериб бўлгандан кейин уни бўшатиб, қайтадан биринчи ишлов берилган томони билан уч қулоқли патронга ўрнатиб ва маҳкамлаб бўш томонига ишлов берилиб амал тугатилса, амал иккита ўрнатувда бажарилган ҳисобланади ва ҳ.к.