1 Амалиёт. Техника хавфсизлиги инструктажларини урганиш

4 Амалиёт. Наряд – рухсатномани расмийлаштириш ва ишга рухсат этишни урганиш.


I. Наряд-рухсатномани расмийлаштириш
1.1. Хавфи юқори бўлган ишлар учун наряд-рухсатнома мазкур йўриқномада белгиланган шаклдаги бланкаларда расмийлаштирилади ва 2 нусхада (1-нусха наряд берувчи раҳбарда, 2-нусха ишларнинг масъул ижрочисида бўлади), бошқа бўлинма ( цех, бўлим ва ш.к.) ларда бажарилганда эса
3 нусхада ёзилади (3 нусха ишга рухсат берувчи ходимга берилади).
1.2. Наряд-рухсатнома берувчи хавфи юқори бўлган ишларни бажариш учун наряд-рухсатномани ишларнинг масъул раҳбарига телефон орқали узутишига ҳам рухсат берилади.
Бунда наряд-рухсатнома 3-нусхада тўлдирилади: бир нусхасини наряд берувчи шахс тўлдиради, қолган иккита нусхани эса телефон орқали уни қабул қилган шахс ( масъул раҳбар ) тўлдиради.
Телефон орқали қабул қилган наряд-рухсатноманинг бланкаси тўлдирилганидан кейин, мазмуннинг қайта текшируви ўтказилади.
Наряд-рухсатнома берувчи шахснинг имзоси ўрнига, уни фамилияси ёзилади ва матнни қабул қилувчининг имзоси билан тасдиқланади.
1.3. Наряд-рухсатнома битта бригада билан биргаликда битта ишларнинг масъул ижрочисига, берилган ишларни бажариш учун зарур, аммо 15 тақвимий суткадан кўп бўлмаган муддатга расмийлаштирилади.
2-3 сменали ишда ҳар бир смена бригадаси учун алоҳида расмийлаштирилади.
1.4. Бригаданинг (ижрочиларнинг ) энг кам таркиби камида икки кишидан иборат бўлиши шарт, бунда ишларнинг масъул ижрочиси ҳисобга олинмайди, энг кўп таркиби эса наряд берувчи шахс томонидан белгиланади.
1.5. Наряд-рухсатнома тўлдириш, копирка қўйиб барча нусхаларда аниқ ва тоза ёзилишини таъминлаш билан сиёҳ ёки ранги қора, кўк ёки бинафша шарикли ручкада бажарилади. Наряд-рухсатномада ўчириш, чизиб ташлаш ва тузатишга рухсат берилмайди.
1.6. Наряд-рухсатномага ҳамма шахслар имзо қўйганидан сўнг, наряд-рухсатнома берувчи шахсда сақланадиган наряд-рухсатномаларни қайдлаш журналига қайдланади (5-илова).
1.7. Ишлар якунида ( наряд-рухсатнома ёпилгандан сўнг) наряд-рухсатноманинг барча нусхаси ишлар раҳбари томонидан қайд этилган жойига, ёпилган кунидан бошлаб уч ой давомида сақлаш учун қайтарилади. Наряд-рухсатномаларни қайдлаш журнали тўлганидан ва ёпилганидан сўнг, бир ой давомида сақланади.