1-амалиёт иши Юк ташиш режаси кўрсаткичларини ва қия жадвални тадқиқ қилиш Амалиёт ишини бажаришдан мақсад

1-амалиёт иши


Юк ташиш режаси кўрсаткичларини ва қия жадвални тадқиқ қилиш


Амалиёт ишини бажаришдан мақсад: талабаларга юк ташиш режаси кўрсаткичларини ва қия жадвални тадқиқ қилиш бўйича билим кўникмаларини такомиллаштириш.
Юк ташиш режаси қуйидаги кўрсаткичлардан: ташилган юклар миқдоридан, юк айланмасидан, 1 т. юкни ташишни ўртача масофасидан, юк тиғизлигидан (грузонапряженность), юк ташишни номунтазамлигидан, статик юкламадан, динамик юкламадан иборат. Ташилган юклар миқдори ва юк айланмаси режани миқдор кўрсаткичи ҳисобланса, қолганлари – сифат кўрсаткичлари ҳисобланади.
Темир йўлда, минтақавий темир йўл бўлинмасида ёки участкада ташилган юклар миқдори қуйидагича аниқланади,

∑Р = p₁ + p₂ + p₃ + · · · + p_n , т (1.1)

бу ерда p₁, p₂, p₃, ..., p_n – айрим юк жўнатмаларининг масаси, т;

Темир йўлни, минтақавий темир йўл бўлинмасини ёки участкани юкларни ташиш бўйича иш ҳажми юк айланмаси билан, яъни режалаш-тирилган ёки бажарилган тонна – километр неттоларнинг умумий ҳажми билан аниқланади,

∑РL = p₁·ℓ₁+p₂·ℓ₂+p₃·ℓ₃+· · ·+p_n·ℓ_n , ткм (1.2)

бу ерда ℓ₁, ℓ₂, ℓ₃, ..., ℓ_n – ташиш масофаси, км.

1 т. юкни ташишни ўртача масофаси (ℓ_ўр) темир йўл транспортининг энг муҳим кўрсаткиларидан бири ҳисобланиб, уни умумий бажарилган тонна – километрларни (∑РL) ташилган юклар миқдорига (∑Р) бўлиш орқали аниқланади,

ℓ_ўр = ∑РL / ∑Р, км (1.3)

Юк тиғизлиги (E_ё) ёки ташиш зичлиги (густота перевозок), – темир йўлни, минтақавий темир йўл бўлинмасини ёки участкани 1 км эксплуатацион узунлигига тўғри келадиган йиллик тонна – километрлар,
E_ё = ∑РL / L_экс , ткм/км (4)

бу ерда L_экс – темир йўлни (минтақавий темир йўл бўлинмасини ёки участкани) эксплуатацион узунлиги, км.