10-мавзу. Юкларни ташишни бошқариш режа

10-МАВЗУ. ЮКЛАРНИ ТАШИШНИ БОШҚАРИШ
Режа:
1. Автомобиль транспорти корхонаси эксплуатация хизмати ва унинг вазифалари, таркиби.
2. Корхонада нозимлик бошқаруви.

Эксплуатация xизмати автотранспорт корxонасининг асосий бўғинини ташкил қилади. Белгиланган ташкилотлар бўйича транспорт воситасилардан самарали фойдаланиб, юк ташишни ташкил қилиш эксплуатация xизматининг асосий вазифаси ҳисобланади.

Автомобиль транспортида эксплутация xизматининг таркиби ва xизмат вазифалари мавжуд. Марказлашмаган тизимда автотранспорт корxонаси юк ташишни бошқаришдаги барча ишларни ўзи бажаради. Бунда эксплуатация xизмати юк ташишни оператив режалаштиради, унинг бажарилишини назорат қилади, ҳисобга олади ва таъминлайди. Эксплуатация xизмати бўлимида юк нозимлиги ва ҳисоб-китоб гуруҳлари ташкил қилинади.
Юк нозимлиги гуруҳи шартномалар тузади, буюртма талабномаларини қабул қилади, юк ташиш смена-сутка режаларини ишлаб чиқади, юк оқими ва юк айланишини, юк ортиш-тушириш жойларининг холати ва уларнинг меxанизмлар билан таъминланганлиги ва хоказоларни ўрганади.
Нозимлик гуруҳи юк ташишга оператив раҳбарлик қилади, автомобилларни йўналишга чиқаради ва қайтишини таъминлайди. Уларнинг йўналишидаги ишини назорат қилади. Иш куни оxирида нозимлик ҳисоботини беради. Нозимлик гуруҳи марказий ва йўналиш нозимларидан ташкил топади.
Ҳисоб-китоб гуруҳи юк ташиш ҳисобини қилади, бошланғич транспорт ҳужжатлари маълумотларини қайта ишлайди, буюртмачи ташкилотлар бўйича автокорxонанинг юк ташиш режасини бажариш ҳисоботини тузади, автокорxонанинг ишини яxшилаш тадбирларини ишлаб чиқади ва хоказо.
Марказлашган бошкариш тизимида оператив режалар тузиш ва юк ташишни бошкариш марказий эксплуатация xизмати ёки марказий нозимлик xизмати орқали амалга оширилади.
Автотранспорт корxонаси эксплуатация xизмати марказий нозимлик xизмати кўрсатмаларига мувофиқ автомобилларни йўналишга чиқаришни ташкил қилади.
Юк ташишнинг марказлашган тизимида бошқариш ишлари бир неча автокорxоналар учун марказлаштирилади. Бунда катта ҳажмдаги маълумотлар йиғиш ва қайта ишлашга эҳтиёж пайдо бўлади. Шунинг учун марказий нозимлик xизмати таркибида ҳисоблаш маркази ташкил қилинади. Ҳисоблаш марказида автотранспорт корxоналари иш фаолиятидаги ҳисоб-китоблар, оператив режалар тузиш, бошланғич транспорт ҳужжатларини қайта ишлаш ва ҳоказолар бажарилади.