1-Амалиёт иши Мавзу: Радиоузатувчи ва радиоқабул қилувчи қурилмалар хусусиятларини ўрганиш

Радиоузатгичлар. Радиоузатгичларнинг схемаси ва конструкцияси радиоузатгичларнинг қўлланилиши, унинг ишлаш тўлқин диапазони, қуввати ва ҳоказоларга кўра аниқланади. Умумий ҳолда радиоузатгичларнинг асосий вазифалари қуйидагилардаг иборат:

1. 
   Керакли частота ва қувватга эга бўлган юқори частотали тебраниш(сигнал)ларни ҳосил қилиш;
   
2. 
   Юқори частотали сигнални бирламчи сигнал билан модуляция қилиш;
   
3. 
   Бошқа радиостнцияларга ҳалақит ҳосил қилувчи ва тарқатиш учун керак бўлган ораликдан ташқарида жойлашган сигнал гармоникалари ва бошқа тебранишларни фильтрлаш;
   
4. 
   Бу тебраниш (сигнал)ларни антенна орқали тарқатиш.
   

2.3-расм. Радиоузатгичнинг функционал схемаси

2.3-расмда радиоузатгичнинг функционал схемаси келтирилган. Модулятор юқори частотали сигнални бирламчи сигнал билан модуляция қилиш учун ишлатилади. Таянч генератор юқори частотали сигналлар ҳосил қилиш учун ишлатилади. Частота синтезатори таянч генератор сигналларини ишлатиш учун керакли частотага ўтказиш учун хизмат қилади. Оралиқ кучайтиргич қуйидаги сабабларга кўра керак бўлади:

- оралиқ кучайтиргичнинг кучайтириш коэффиценти катта бўлгани учун таянч генератор ва синтезатордан катта қувват талаб қилинмайди;
- синтезатор ва қувват кучайтиргичи орасида оралиқ кучайтиргич ишлатилиши туфайли антенна ва узатгичнинг катта қувватли каскадлари томонидан синтезатор ва генераторга кўрсатиладиган таъсир камаяди. Қувват кучайтиргичи сигнални радиоалоқа тизимида белгиланган даражада кучайтириб беради. Чиқиш занжири кучайтирилган сигнални антеннага етказиш, юқори частотали тебранишларни фильтрация қилиш ва катта қувватли қувват кучайтиргични антенна билан мослаштириш учун ишлатилади. Электр таъминот қурилмаси барча блок ва қисмлари ишлаши учун уларни ток ва кучланишлар билан таъминлайди.
Радиоузаткичларнинг энг асосий параметрлари:

1. 
   Радиоузаткич қуввати –модуляция қилинмаган ҳолда узлуксиз равишда антеннага узатилаётган юқори частотали сигналларнинг максимал қиймати тушинилади.
   
2. 
   Тарқатилаётган частота стабиллиги.