1. Aholini ijtimoiy qo’llab- quvvatlash doirasida davlat maqsadli jamg’armalarning o’rni

Xarajatlar yo'nalishlari	2012-y	2013-y	2014-y	2015-y	2016-y
2017-y
1	Ishsizlik nafaqalarini to’lash	1,30	1,98	2,16	2,66	4,00	5,21
2	Ishsizlarni haq to’lanadigan jamoat ishlariga jalb qilish xarajatlari	0,17	0,53	0,68	0,67	1,04	0,96
3	Muddatidan oldin pensiya xarajatlarini to’lash	0,17	0,12	0,11	0,10	0,41	0,31
4	Ishsizlarni kasbga tayyorlash va qayta tayyorlash va o’quv xarajatlari	1,94	7,43	8,31	8,58	8,71	9,39
5	Bandlikka ko’maklashish markazlari hamda byurolarni saqlash xarajatlari	87,94	83,66	76,12	81,01	71,08	73,40
6	Nogironlarga ixtisoslashtirilgan ish o’rinlarini tashkil etish tadbirlarini qisman moliyalashtirish	0,00	0,00	0,00	0,00	0,00	0,00
7	Boshqa xarajatlar	8,49	6,27	12,63	6,98	14,76	10,73
Jami xarajatlar		100,00	100,00	100,00	100,00	100,00	100,00

2012-2017 yillarda jamg’arma xarajatlarining aksariyat qismi Bandlikka ko’maklashish markazlari hamda byurolarni saqlashga sarflangan bo’lib, uning jami xarajatlardagi salmog’i 2012-yilda 87.94 foizni tashkil etgan bo’lsa, 2017-yilga kelib, 73.4 fozini tashkil etgan. Eng mulohazali tomoni esa mazkur yillarda jamg’armaning asosiy funksional vazifalaridan biri bo’lgan nogironlarga ixtisoslashtirilgan ish o’rinlarini tashkil etish tadbirlarini moliyalashtirishga mutlaqo mablag’ sarflanmagan. Ulush jihatdan ikkinchi turuvchi xarajat esa ishsizlarni kasbga tayyorlash va qayta tayyorlash va o’quv xarajatlari bo’lib, jamidagi ulushi 2017-yilda 9.39 foizdir, ishsizlik nafaqalarini to’lashga jamg’armaning 5.21 foiz mablag’lari yo’naltirilgan.

O’zbekiston Respublikasi Prezidentining “O’zbekiston Respublikasi Bandlik va mehnat munosabatlari vazirligi faoliyatini tashkil etish chora-tadbirlari to’g’risida”gi PQ-3001-sonli Qaroriga binoan 2018-yildan boshlab, Bandlikka ko’maklashish markazlari hamda byurolarni saqlash xarajatlari bevosita davlat byudjeti mablag’lari hisobidan moliyalashtirila boshlandi va jamg’arma mablag’lari to’liq Bandlik va mehnat munosabatlari vazirligining aholi bandligini ta’minlashga qaratilgan funksional vazifasini amalga oshirishga yo’naltiriladigan bo’ldi. Bu esa jamg’armaning aholi bandligini ta’minlash borasidagi ahamiyati va o’rnini oshishiga sabab bo’ladi.

Bundan tashqari, O’zbekiston Respublikasi Prezidentining 2017-yil 7-fevraldagi “O’zbekiston Respublikasini yanada rivojlantirish bo’yicha Harakatlar Strategiyasi to’g’risida”gi PF – 4947 – sonli Farmonida ham ishsizlik muammosini hal etish borasida aholi bandligini ta’minlash dasturi ishlab chiqilgan.

Ushbu dastur doirasida mehnat bozorida vaziyat murakkab bo’lgan tuman va shaharlar ro’yxatini aniqlash, ushbu tumanlarda aholi bandligi dasturlarining manzilli ro’yxatlari, kichik sanoat zonalari, xizmatlar sohasini rivojlantirish, chorvachilik, parrandachilik va issiqxona xo’jaliklarini barpo etish, kasb-hunar kollejlari va oliy o’quv yurtlari bitiruvchilari uchun yangi «start-ap» loyihalarini amalga oshirishga mikrokreditlar va lizing asosida ishlab chiqarish vositalarini ajratish orqali aholining ayniqsa yoshlarning bandligini ta’minlash ishlari belgilab olingan (9-jadval).

Bandlikka ko’maklashish davlat jamg’armasining asosiy xarajatlari fuqarolarning ishdan mahrum bo’lgan chog’dagi ijtimoiy kafolatlarini ta’minlashdan iboratdir