1 – топшириқ. Кeракли жиҳозлар

3- топшириқ. Ҳужайралардаги тургор ва плазмолизни кузатиш


Керакли асбоб ва материаллар: микроскоп, буюм ва коплагич ойналар, игна, сувдои, пинцет, фильтр коғоз, мох барги, спирогира сувўти, NaСI, КСIнинг бир нормал эритмаси.
Ҳужайралардаги тонопласт мембрана туфайли цитоплазмадан чегараланиб турган бўшлиқлар — вакуолалардир. Вакуолани ҳужайра шираси тулдириб туради.
Ёш ҳужайраларда вакуола ва ҳужайра шираси аниқ кўринмайди. Етилган ҳужайраларда йирик вакуолалар ёки битта марказ вакуола бўлади. Бундай ҳужайраларда цитоплазма ва ядро ҳужайра пўсти бўйлаб жойлашади. Ҳужайра шираси сув ва унда эриган турли органиқ ва анорганиқ моддалардан таркиб топган. Ҳужайра шираси таркибида органиқ моддалар кўп тупланса, унинг концетрацияси ортади, бундай холларда вакуолага ҳужайра пўсти в цитоплазма орқали сув ва унда эриган минерал моддалар кириб туради, ҳужайра ширасининг микдори ортади, натижада босим ҳам ортади ва цитоплазмага босади. Цитоплазма эса ҳужайра пўстига босади. Ҳужайранинг ички босими туфайли у катталашади, ҳужайра пўсти таранглашади. Бундай ҳолат тургор дейилади. Xужайраларнинг тургорлик даражаси ҳужайра ширасининг осмотик босимига ҳамда ҳужайра пўстининг эластиклигига боғлиқ
Ҳужайраларнинг тургор ҳолатида асосий ҳаётий силжиши, ассимиляция, транспирация ва шунга ўхшашлар нормал боради. Ўсимликларнинг ўсиши, баргларининг ёзилиши, гулининг очилиши ҳужайраларининг тургор даражасига боглиқ.
Тургор ҳолатидаги ҳужайраларга кучли концентрацияли биронта эритма - канд ёки NaCI, KСI нинг бир нормал эритмаси таъсир эттирилганда, протопластнинг ҳажми кичрая боради, цитоплазма ҳужайра пўстидан секин аста ажралади, бу ходиса плазмолиз дейилади. Плазмолиз кучли бўлган такдирда цитоплазма ҳужайра пўстидан батамом ажралиб, ҳужайра уртасига тупланади. Плаз­молиз ҳолатидаги ҳужайраларга кайтадан сув шимилиши натижасида улар олдинги ҳолатини кайта тиклайди, бу ходиса деплазмолиз дейилади.
Ҳужайраларда руй берадиган тургор ва плазмолиз ходисалари ҳужайра ширасининг концентрациясига ва осмотик босимига боғлиқ.