1 – Мавзу Марказий Оси ёда кадимги ва илк урта асрларда ер сув муносабатлари

Mavzuning o‘rganilishi. O‘rganilayotgan mavzuga oid tarixiy adabiyotlarni ikki davrga ajratish mumkin: sovet davrida yaratilgan adabiyotlar, O‘zbekiston Respublikasi mustaqillikka erishganidan keyin nashr etilgan adabiyotlar.
Sovet tarixshunosligida “O‘zbekiston tarixida er - suv munosabatlarining rivojlanishi va taraqqiyot bosqichlari” mavzusida jiddiy ilmiy tadqiqotlar yaratilgan emas. Chunki sovet hokimiyati davrida markscha-lenincha metodologiya va kommunistik mafkura asosida, ya’ni sinfiy nuqtai-nazardan yondashilib, bir yoqlama fikr bildirish taomilga kirgandi.
Ishning maqsad va vazifalari. Mazkur bitiruv malakaviy ishda O‘zbekiston tarixida er - suv munosabatlarining rivojlanishi va taraqqiyot bosqichlarini ilmiy jihatdan o‘rganish maqsadi ko‘zlandi. Ushbu maqsaddan kelib chiqib, aniq vazifalar belgilandi:
- Markaziy Osiyodagi qadimgi daryolarining o‘tmishi, buguni va ertangi hayoti to‘g‘risida ma’lumotlarni bayon etish;
- IX – XIV asrlarda Movarounnahrda er-suv munosabatlarini tahlil qilish;
- Movarounnahrdagi er-suv munosabatlarining Amir Temur va Temuriylar davrida taraqqiyotining o‘ziga xos xususiyatlarini ochib berish;
- XVI-XVIII asrlarda Turkistonda er -suv munosabatlarining rivojlanish bosqichlarini izohlash;
- CHor Rossiyasining Turkistonda er-suv masalasida yuritgan siyosati va uning oqibatlarini qayd qilish;
- O‘zbekistonda er-suv islohotlarining o‘tkazilishi va uning ijtimoiy - siyosiy oqibatlarini bayon etish;
- O‘zbekistonda ikkinchi jahon urushidan keyingi yillarda yangi erlarni o‘zlashtirish, qishloq xo‘jaligida noxush holatlarning kuchayganligini isbotlash;
- O‘zbekiston mustaqillik yillarida er va suvdan foydalanish sohasida yangicha islohotlarning amalga oshirilganligini sharhlash.
Bitiruv malakaviy ishini yozishda tarixiy tadqiqotlar olib borishning ob’ektivlik, tarixiylik va xolisonalik tamoyillaridan kelib chiqqan holda ish ko‘rildi. Ishda muammoga istiqlol mafkurasi talablari asosida yondashildi.