1 – mavzu: Maktabgacha oligofrenopedagogika kursining predmeti, vazifasi, maqsadi, metodlari

Mavzuga oid lug`at so’zlar:

Anamnez – ota – onadan yoki bolani tarbiyalovchilardan bola hayotining hamma bosqichlarida, shu jumladan, homiladorlik va tug`ish davrida, uning o’sish tarixi haqida shifokor, pedagog yoki psixolog oladigan mufassal ma`lumotlar yig`indisi. Anamnezni to’plash vaqtida bolaning nasl – nasabi, ularning qanday kasalliklar bilan kasallanganligi haqida, nutq, motorika, o’yin va bilish faoliyati haqida, o’qishi, ishi va yurish – turishi to’g`risidagi ma`lumotlar aniqlanadi.

Anomaliya – kamol topishning umumiy qonuniyatlaridan chetga chiqish.

Asfeksiya – bo’g`ilish, bolalarda asfeksiya tug`ruq vaqtida ona organizmidan plansent (yo’ldosh) orqali kislorod kelishining to’xtab qolishi natijasida bolaning o’zida o’pka bilan nafas olish hali boshlanmagan paytda vujudga keladi. Uzoq davom etgan asfeksiya bolaning halokatiga yoki uning umumiy kamol topishining buzilishiga olib keladi.

Gidrotsefaliya – miyada sariq suv to’planish kasali. Bu kasallik bosh miya suyagi bo’shlig`ida orqa miya suyuqligining ko’payishida yuz beradi. Engil gidrotsefaliya ish qobiliyatining pasayishi va tez charchab qolishda ifodalanadi, bunda bosh miya shakli deyarli o’zgarmaydi. Orqa miya suyuqligi ko’proq to’planganda bosh miya suyagining katta gidrotsefalik shakl paydo bo’ladi, peshonada va kallaning tepa qismida shishlar vujudga kelashi mumkin. Ba`zan bolalardagi og`ir gidrotsefaliya aqli zaiflikka, tserebral falajlikka, eshitish va nutq qobiliyatining buzilishiga olib keladi.