1- mavzu: Kirish. Qadimgi sharq tarixi manbashunosligi Reja

6.Misrning nomlarga bo’linib ketishi.

Qadimgi podsholik davrining oxirlariga kelib, ayrim nomlarda hukmdor nomarxlar butun hokimiyatni qo’llariga olib, mustaqil siyosat yurita boshladilar. Nomarxlar fir’avn hokimiyati vasiyigidan chiqa boshladilar. Bularning bari fir’avn hokimiyatining zaiflashishi va markazlashgan tizimning yo’qola borishiga sabab bo’lgan.

Markaz kuchsizlanishi va nomarxlarning kuchayishi, pirovard natijada, Misrning nomlarga bo’linib ketishiga olib keldi. Nomlarda kohinlar juda katta kuch- e’tiborga ega bo’lgan. Har bir nomning o’z xudolari bo’lib. shu yo’l bilan kohinlar fir’avnga qarshi siyosat yuritganlar. Joylarda firavnni ilohiylashtirishga qarshi chiqib, ular mahalliy xudolar obrazini iloji boricha yuksaltirishgan. Bu intilishga mahalliy nomarxlar ham qarshilik qilmaganlar, chunki markaziy hokimiyatning zaiflashuvi ularning manfaatlariga xizmat qilar edi. Kohinlar katta huquqlarga ega bo’lib, mablag’larni markazga yubormay qo’yish bilan markaziy hokimiyatga iqtisodiy jihatdan ham satbiy ta’sir ko’rsatganlar.

Qadimgi Podsholik davrining oxirlarida markaziy hokimiyatning kuchsizlanishi va yagona Misr davlatining yemirilishi keskin sinfiy kurash ostida kechdi. Mamlakatda birin-ketin g’alayonlar boshlandi. Iqtisodiy va siyosiy sohada markaziy hokimiyatning inqirozi natijasida Qadimgi Misr podsholigi parchalanib ketdi.