1- labaratoriya ishi (4-soat) mavzu: G‘O‘zadan olinadigan mahsulotlar

15-LABARATORIYA ISHI (4-soat)
MAVZU: PAXTA TOLASI VA TOLALI MAHSULOTLARNI PRESSLASH QURILMASI.

Ishdash maqsad: Paxta tolasini, momig‘ini va tolali chiqindilarni toylash, ularni toylashda ishlatiladigan gidravlik presslarning tuzilishi, ishlashi va konstruksion sxemasi bilan tanishish.
Topshiriq:
1. Paxta tolasini, momig‘ini va tolali chiqindilarni toylashdan maqsad.
2.Presslash to‘g‘risida umumiy tushunchalar, gidravlik pressning ishlash usuli.
3.DA8237 rusumli gidropress qurilmasining tuzilishi, ishlash jarayoni va ish unumdorligi.
4.Gidropressning shibbalash qismi va gidronasos sistemalari, ularni tuzilishi va ishlashi.
5. Gidropress ish unumdorligini aniqlash usuli.

Ishni bajarish uchun kerakli jixozlar
1. PTK da ishlayotgan gidropressning videotasviri.
2.DA 8237 rusumli gidropressning konstruksion sxemasi chizilgan ko‘rgazmali qurol.
3.SHibbalagichning va gidronasoslarning sxemalari chizilgan ko‘rgazmali qurol.
4. Gidropressning kompyuterda bajarilgan animasiyasi.
Ishning qisqacha bayoni
Paxtani dastlabki ishlash texnologik jarayoni tola, momiq va tolali chiqindilarni toylash bilan tugallanadi. Kondensordan chiqayotgan tolaning zichligi 12-15 kg/m³ atrofida bo‘ladi. Kondensordan chiqqan tolani bu holda (ya’ni toylamasdan) saqlash yoki tashish noqulay va yong‘in chiqish xavfi bo‘ladi. Bundan tashqari presslanib toylanmagan tola yoki momiq tez ifloslanadi va uning sifat ko‘rsatkichlariga salbiy ta’sir etadi.

Toylanmagan tolani yoki momiqni saqlashda omborlar xajmidan va transport vositalaridan samarali foydalanilmaydi, shuningdek ortish, tushirish va tashish mexanizmlaridan to‘liq foydalanish mumkin bo‘lmaydi. SHuning uchun paxta tozalash zavodlarida maxsus presslarda tola, momiq va tolali chiqindilar zichlanadi va toy holatiga keltiriladi.

Toylar matolarga o‘ralib, sim yoki po‘lat lentali tasma bilan boqlanadi. Bunday toylangan tolani (momiqni) uzoq vaqt saqlash va to‘qimachilik fabrikalariga yuborish qulaydir.