1- dars. Mavzu: Masalalarni kompyuterda yechish bosqichlari

Vosita: Elektron resurslar, darslik, plakatlar, tarqatma materiallar.
Usul: Tayyor prezentatsiya va slayd materiallari asosida.
Nazorat: Og'zaki, savol-javob, muhokama, kuzatish.
Baholash: Rag'batlantirish, 5 ballik reyting tizimi asosida.

Kutiladigan natijalar	O'quvchilar Algoritmni tasvirlash usullari haqida tasavvurga ega bo`ladilar. Darslikda keltirilgan va o`qituvchi tomonidan berilgan topshiriqlar orqali informatika fanining boshqa o`quv fanlari bilan uzviy bog`langanligini bilib oladi. Yakka va guruh bo`lib ishlashni o`rganadi. Yangi bilimlarni egallaydi.
Kelgusi rejalar (tahlil, o'zgarishlar)	O'qituvchi o'z faoliyatining tahlili asosida yoki hamkasblarining dars tahlili asosida keyingi darslariga o'zgartirishlar kiritadi va rejalashtiradi

Darsning borishi va vaqt taqsimoti

	Dars bosqichlari	Vaqt
1	Tashkiliy qism	3 daqiqa
2	O'tilganlarni takrorlash	7 daqiqa
3	Yangi mavzu ustida ishlash	14 daqiqa
4	Yangi mavzuni mustahkamlash	13 daqiqa
5	Uyga vazifa	3 daqiqa

Savol va topshiriqlar:

1.Algoritmning diskretlilik xossasini misollar yordamida tushun- tiring.

2.Algoritmning natijaviylik xossasini misollar yordamida tushuntiring.
3.Natijaviylik xossasi bajarilmaydigan ko'rsatmalar ketma-ketligiga misollar keltiring.
4.Algoritmning ommaviylik xossasini misollar yordamida tushun­tiring.
Yangi mavzu bayoni:

Avvalgi darslarda algoritmlar so'z orqali ifodalandi. Shuni aytish lozimki, algoritmlarni tasvirlashning ham turli usullari mavjud. Quyida algoritmlarni tasvirlashning keng tarqalgan usullari ko'rib chiqiladi:

1. Algoritmni so'zlar yordamida ifodalanishi.
Avvalgi darslarda keltirilgan bir qator misollar inson og'zaki nutqida qo'llaniladigan so'zlar orqali ifodalangan edi (masalan, choy damlash yoki yig'indi hisoblash algoritmi). Algoritmning bunday tasvirlash usulida ijrochi uchun ko'rsatma jumlalar orqali buyruq shaklida beriladi.
Misol tariqasida suv havzasi oldida turgan A litrli va В litrli suv idishi bor ijrochi uchun {A ni to'ldir; В ni to'ldir; A dan В ga quy; В dan A ga quy; A ni bo'shat; В ni bo'shat} ko'rsatmalar sistemasini olish mumkin.

1. 
   masala. A=3 va B=5 bo'lganda Suvchi 1 litr suv o'lchab olishi uchun algoritm tuzilsin. Bu masalaning maqsadga yetkazuvhci algoritmini so'zlar yordamida tuzish qulay:
   

Qadamlar	Algoritmdagi ko'rsatmalar	A idishda	В idishda
1	A ni to'ldir;	3 litr	0 litr
2	A dan B ga quy;	0 litr	3 litr
3	A ni to'ldir;	3 litr	3 litr
4	A dan B ga quy.	1 litr	5 litr