0‘zbekiston respublikasi oliy va 0‘rta maxsus ta’lim vazirligi erkin Egamberdiyev mikroiqtisodiyot

Daromadning foydaliligi - tovarlar narxi nisbatan past bo'l- ganda kishilar o‘zicha shu tovardan ko‘proq xarid qilishi mumkin. Bunda shu tovarning o'mini bosadigan boshqa xil tovarlarni ham sotib olishdan voz kechmaydi. Boshqacha qilib aytganda, mahsulot narxining kamayishi iste’molchining pul daromadlarini xarid qilish qobiliyatini oshiradi. Shuning uchun xaridor shu mahsulotdan ilgarigiga nisbatan ko‘p miqdorda xarid qilish imkoniyatiga ega bo‘ladi. Yuqoriroq narx esa aksincha natija beradi.

Bir-birining o‘rnini almashtira oladigan tovarlarning foydaliligi nisbatan baho past bo'lganda kishilarda qimmat bo‘lgan xuddi shunday tovarlar o‘rniga arzon tovarlarni xarid qilish ishtiyoqi paydo bo‘- lishidir. Iste’molchilar qimmat mahsulotlarni xarid qilishga moyil bo'lmaydilar.

3. 
   Taklif hajmi va bozor muvozanati
   

«Taklif hajmi» deb sotuvchi yoki guruh sotuvchilarni vaqt birligi ichida ma’lum sharoitlarda bozorda ma’lum turdagi va miqdordagi tovarni sotishga bo‘lgan xohishiga aytiladi. «Ma’lum sharoitlar» deganda, shu tovar narxi, boshqa tovarlar narxi, ishlab chiqarish texnologiyasining xususiyatlari, soliq va dotatsiyalar tushuniladi.

Taklif funksiyasi: Q_SA=f(P_A, P_B,...,P_Z, K, J, N,.)

Bunda: Q_SA- A turdagi tovarga bo'lgan vaqt birligi ichidagi taklif hajmi;

P_A,P_B,...,P_Z - shu tovarning va boshqa tovarlarning bahosi;

К - qo'llaniladigan texnologiyaning xususiyati;

J — soliq va dotatsiyalar;

N - tabiiy sharoitlar.