0‘zbekist0n respublikasi oliy va 0‘rta maxsuis ta’lim vazirligi g‘. Hojiahmedov, I. Yaxyayeva, M. Umarova, A. Usmonov sifat menejmenti

Sifat narxdan muhimroq. Ishlab chiqarish texnologiyalarining rivojlanishi va shaxs ehtiyojlari ta’sirida sifatning o‘rni va ahamiyati doimiy ravishda ortib bormoqda. Madaniyat va ta’lim darajasining kun sayin yuksalib borishi tufayli iste’molchilarning didi va talabchanligi ham ortmoqda.

Raqobatbardoshlikni ta’minlashda XX asrning 80-yiIlarida sifatga talablar hal qiluvchi ahamiyat kasb etdi. Jahon bozorida mahsulotlarni xarid qilayotgan iste’molchilarning 80% dan ortig'i sifatni narxdan ustun qo‘ymoqda. Ma’lumotlar sifat xarajatlarining umumiy ishlab chiqarish xarajatlarining 15—25% dan kam bo‘lmagan qismini tashkil qilganini ko'rsatadi.

Kreditlash, sarmoya kiritish, imtiyozlar berish imkoniyatlari mahsulot sifatiga bog'liq. Masalan, Yevropaning bir qator davlatlarida shunday qonunlarga amal qilinadiki, ularga ko'ra muayyan mahsulotlar sifat sertifikatisiz bozorga kiritilmaydi. Mazkur sertifikat mahsulot sifatining Xalqaro standartlashtirish tashkiloti — ISO standartlaridagi talablarga javob berishini tasdiqlaydi. Boshqa sertifikatlashtirilmagan mahsulotlarning ikki barobar arzonga sotilishi shart qilib qo'yilgan.

Sifatga bog'liq tashkiliy-iqtisodiy va texnik muammolar allaqachon tadqiqot predmetiga, ularni hal qilish yo‘llari fan tarmog'iga aylangan.