0‘zbekist0n respublikasi oliy va 0‘rta maxsuis ta’lim vazirligi g‘. Hojiahmedov, I. Yaxyayeva, M. Umarova, A. Usmonov sifat menejmenti

Yaponiyaning sifatni boshqarish tajribasi ishning sifatini oshirish hech qachon tugamasligini ko‘rsatadi. 1945-yilda Yaponiya vayron bo lgan, sanoati to‘liq ishdan chiqqan edi. Shuningdek, o‘sha davrda Yaponiyaning texnikasi qoloq holatda bo‘lgan. Zamonaviy radiotexnikada katta ahamiyatga ega bo lgan Yaponiyada ishlab chiqarilgan kuchaytirgichlar uchun kichik chastotali trans- formator 250 gramm og‘irlikda edi. Ayni vaqtda AQSH da bu apparatning konstruksiyasining vazni atigi 30 gramm bo‘lgan.

Suv bilan to‘yintirilgan Yaponiya transformatori 15 daqiqada ishdan chiqardi, Amerikaniki esa germetik qoplama bilan to‘liq o'ralgan va suv o'tkazmaydi.

Biroq 40-yillarning oxiri — 50-yillarning boshida sifatni boshqarish bo‘yicha Amerikaning E. Deming va J. Juran kabi mashhur olimlari sabog‘ini olgan yapon mutaxassislari bu bilimlardan Yaponiya sanoatida muvaffaqiyatli foydalana boshladilar.

Deming davri tatbiq qilindi. U mahsulotni loyihalash, ishlab chiqarish, sotish, tahlil qilish va sifat darajasini oshirish uchun o‘zgarishlar — PDCA sikli «rejalashtirish — bajarish — tekshirish — tuzatish ta’sirlari» («plan — do

• 
  check — action»)ni bog‘lagan.
  

Texnologik jarayonni boshqarish uchun nazorat kartalari faol qo‘llanilgan. Deming nomidagi mukofot uning kitoblari, ma’ruzalari topshiriladigan mualliflik mukofoti sifatida ta’sis qilingan. Deming oltin medali alohida shaxs yoki korxona uchun 1951-yildan boshlab berib kelinmoqda. Bularning hammasi sifatni boshqarishdan rahbariyatning quroli sifatida foydalanishni ta’minladi. Yaponiyaning ilg'or firmalarida sifatni tizimli boshqarishning tamoyillari va kompleks yondashuvi bosqichma-bosqich tatbiq qilingan. Shunga o'xshash firmalaming tajribasi chuqur o‘rganilmoqda, tahlil qilinyapti, ular AQSH va G‘arbiy Yevropa davlatlaridagi holat bilan taqqoslanmoqda.

Sifatni boshqarishga Yaponiyaning yondashuvi bir qator o‘ziga xos xususiyatlarga ega, biroq qiyosiy tahlil uning nazariy qoidalari jahon tajribasi bilan umumiy xususiyatga egaligini ko‘rsatmoqda. Bu konsepsiya to'liq va to‘g‘ri tatbiq qilingan ilg'or xorijiy firmalarning sifatni boshqarish tizimlari bir-biriga o'xshash, ularni qoMlash va rivojlantirish mexanizmlarida ham umumiylik mavjud.

Sifatni boshqarishga Yaponiya yondashuvining o‘ziga xos xususiyatlari: 1) barcha bo‘linmalarda mehnat jarayonlari va natijalarini doimiy takomil- lashtirish; 2) mahsulotning sifatini emas, balki jarayonlarning sifatini nazorat qilish; 3) nuqsonlarga yo‘l qo'yLlish ehtimolini bartaraf qilish; 4) oldingi operatsiyadan keyingisiga o‘tishda yuzaga keladigan muammolarni tadqiq va tahlil qilish; 5) «Sening iste’molching — keyingi ishlab chiqarish ope- ratsiyasini bajaruvchi» tamoyilini ilgari surish; 6) bevosita ijrochining zimmasiga mehnat natijalarining sifati uchun javobgarlikni yuklash; 7) inson omiJidan faol foydalanish, ishchilar va xizmatchilaming ijodiy salohiyatini oshirish, «Yaxshi odamga yomon ishlash uyat» maqohga rioya qilish.

«Yapon mo‘jizasi» ning asosiy g‘oyasi — har qanday sohada ilg‘or texnologiyalami qo'llash. Firmalarda hisoblash va mikroprotsessor texnikasi, yangi materiallar, loyihalashning avtomatlashtirilgan tizimlari, to‘liq kom- pyuterlashtirilgan statistik usullar keng tatbiq qilinmoqda.

So'nggi yillarda sifatni boshqarish tizimini ishlab chiqishning o‘ziga xos xususiyati iste’molchilar va ta’minotchilar bilan aloqalar tizimini uning tarkibiga kiritishdir.

Sifatni navbatdagi oshirish muammosini hal qilish yo'llarini fmnalaming rahbarlari ta’minotchilar, ishlab chiqaruvchilar va iste’molchilarning bir- biriga ishonchi va hamkorligida ko'radilar. Bunda xoh ta’minotchi yoki iste’molchi, xoh ishlab chiqaruvchida yuzaga kelgan kamchiliklarni aniqlash va ularni qisqa vaqtda bartaraf qilishga o‘zlarini mas’ul deb biladilar.

Buyurtmachi bilan uzoq muddat ishlovchi shaxsiy pudrat tarmoqlarini tashkil qilish amaliyoti e’tiborga loyiq. Hatto erkin raqobat sharoitlarida ham mazkur tamoyilning samara berishi Yaponiya firmalarida isbotlangan. Ushbu tamoyil pudratchilarning yillik tanlovini o'tkazishga asoslangan G‘arb amaliyotiga nisbatan ustunliklarga ega.

Ta’minotchilarning shaxsiy tarmog‘ini tuzish buyurtmachilarga ham jiddiy vazifalarni yuklaydi. Ular sifatni ta’minlashning amal qilinyotgan tizimostilari, mahsulot sifatining nazoratini yo‘lga qo‘yish, ishlab chiqarish quvvatlarini modernizatsiyalash kabi ishlarda moliyaviy, texnik va tashkiliy yordam ko‘rsatish orqali pudratchi korxonalar bilan bog'langan. Bu maqsadda mahsulot sifati sohasida ta’minotchilar ishlarining holatini, ishlab chiqarish imkoniyatlari, xodimlami tayyorlash hamda o‘qitishni o'rganish, yetkazib berilayotgan mahsulotning sifatiga bog'liq bo'lgan boshqa tadbirlami ishlab chiqish va amalga oshirislmi ko'zda tutgan maxsus dasturlar ishlab chiqiladi. Mahsulot sifatini oshirishning yo‘llarini hamkorlikda izlashga asoslangan ta’minotchilar bilan o‘zaro ishonch munosabatlari mavjud bo‘lganda vaqt va vositalami sezilarli darajada tejaydigan, ta’minotchi — firmadan kelayotgan materiallar va detallarning kirish nazoratini o'tkazish uchun kerak bo‘lgan Yaponiyada keng tarqalgan o‘zaro ishonch tizimiga o‘tish mumkin.

Yaponiya mutaxassislarining fikriga ko‘ra, ishni majburiyatlar mantig'ini himoya qilishdan emas, balki ma’lumotlarni to'plash va tahlil qilishdan boshlash, hamkorlikdagi izlanishlar, jamoaning qarorlariga tayanish kerak.

Xodimlarni o‘qitish va tayyorlash sifat bo‘yicha muvaffaqiyatli ish yuritishni kafolatlaydi.

0‘qitish jarayonini yuqori boshqaruv bo‘g‘inidan boshlash maqsadga muvofiq. Bu ishga mutaxassis — maslahatchilami jalb qilish zarur. O'qitish jarayonida tushuntiriladigan sifat bo'yicha faoliyat haqidagi ma’lumotlar muayyan harakatlar va tavsiyalar bilan birgalikda olib borilishi kerak. Zarur maqsadlar (unumdorlikni oshirish, nuqsonlilik darajasini pasaytirish) asosida shaxsiy o'qitish dasturini tuzish afzalroq.

Sifatni kompleks boshqarish g'oyasini tatbiq qilish va tarqatish bo‘yicha liderlik kompaniyaning yuqori rahbariyatiga tegishli bo‘lishi kerak. Bu qoida muvaffaqiyatning yagona asosi hisoblanadi.

So‘nggi yillarda o‘qitish eng ilg‘or usullar asosida olib borilmoqda. Shaxsiy EHM lardan foydalangan holda sifat bo‘yicha ishbilarmonlik o‘yinlarini olib borish dasturlari ishlab chiqilgan. 0‘rganuvchining o‘zi qaror qabul qiladi va tasavvuridagi korxonaning yuqori raqobatbardoshlikdagi mahsulotga erishishi uchun eng qulay sharoitlami yaratishga harakat qiladi.

Ishchilarni o'qitish ularning bevosita rahbarlari — ustalar, uchastka boshliqlari tomonidan amalga oshiriladi. Ustalar, uchastkalar va sexlarning boshliqlarini o'qitish 6 kunlik nazariy kurs va 4 oylik amaliy faoliyatdan

iborat. . . _t . .

«Nissan Motor» kompaniyasida ish faoliyatining dastlabki 10 yilida o‘qitish ishlab chiqarishdan ajralgan holda amalga oshiriladi va bunga kamida 500 kun sarflanadi. Keyinchalik o‘qitish kechqurunlari va dam olish kunida bevosita ish joylarida davom etadi. Vaqti-vaqti bilan barcha toifadagi ishlayot- ganlar, shuningdek, rahbarlar attestatsiyadan o‘tkazilib, o'qitish jarayoni yakunlanadi. Mos bo‘linmalarning rahbarlari mutaxassislar ishtirokida attestatsiyalashni o'tkazadilar. Ishchilarning toifalariga mos ravishda attes- tatsiyalash 3, 6 oy va 1 yilda bir marta olib boriladi.

Bir qator mutaxassislar firmaning imtihonidan tashqari davlat imtiho- nini ham topshiradilar. Masalan, «Tabay Espek» firmasida ishchilarning 75%i Mehnat vazirligining davlat attestatsiyasidan o‘tishgan. Davlat attes- tatsiyasidan oldingi o‘qitish pullik va unga firma haq to laydi. Davlat attestatsiyasidan o‘tgan ishchining ish haqiga qo'shimcha to'lanadi.

Atestatsiyalash natijalari ish joylariga osib qo'yiladi. Uch martagacha attestatsiyadan o'tishga ruxsat beriladi. Uch marta attestatsiyadan о tmagan ishchi berilgan ish joyida kasbiy jihatdan ishga yaroqsiz hisoblanadi. ^

0‘qitishning juda muhim foydali samarasi bor. sifat odamlarning o‘z ishiga shaxsiy munosabatlarini yaxshi tomonga o‘zgartiradi. Sifatning 90%i tarbiya, anglanganlik bilan va faqat 10%i bilimlar bilan tavsiflanadi, deb

o‘ylashadi. .

O^lquv dasturlari atigi 10% ni berishi mumkin, lekin ular ishchilarning sifatga munosabatini o'zgartiruvchi kuch hisoblanib, bu munosabat keyinchalik rag'batlantirishlar vositasida doimiy qo'llab-quwatlanishi kerak.

Sifat to‘garaklariga katta e’tibor beriladi. To‘garaklar ixtiyoriy shakllan- tiriladi. Tadqiqotlar to'garaklarga qatnash va yig'ilishlardagi faollik bilan sifatning ichki masalalarini hal qilishdagi ixtiyoriylik, mustaqillikda bevosita aloqa mavjudligini ko‘rsatdi. To‘garaklarning majlisi — ish vaqtida o‘tkaziladigan noishlab chiqarish faoliyatining yagona turi. Majlislar har haftada o'tkaziladi. Agar to‘garaklar ishdan keyin to‘plansa, ishdan tashqari vaqt sifatida kompaniya qo'shimcha haq to‘laydi. Sifat to'garaklarining shiorlari: «Sifat korxonaning taqdirini hal qiladi»; «Bugun chiroyli ко ringan narsa ertaga eskiradi»; «Har daqiqada sifat haqida o‘yla».

Sifat to'garaklarining sex va zavod konferensiyalari muntazam о tkaziladi. Sifat to‘garaklarining konferensiyalari yiliga ikki marta butun kompaniya miqyosida o‘tkaziladi. Sifat to‘garaklari vakillarining umumyapon syezdlari ham o'tkaziladi. To‘garak Yaponiya olimlar va muhandislar birlashmasi (JUSE) da ro'yxatdan o'tgan bo'lsa va «Sifat ustasi va nazorati» jurnalida bu ma’lumot chop etilgan bo‘lsa, u holda bunday to‘garak rasmiy tan olingan hisoblanadi.

Yaponiya korxonalarida xodimlar uchun «beshta nol» nomini olgan sifatni ta’minlashda qatnashish dasturi ishlab chiqilgan. U qisqa qoidalar — maqollar ko‘rinishida shakllantirilgan:

• 
  yaratmaslik (nuqsonlarning yuzaga kelishi uchun sharoit);
  
• 
  yubormaslik (nuqsonli mahsulotni keyingi bosqichga);
  
• 
  qabul qilmaslik (nuqsonli mahsulotni avvalgi bosqichdan);
  
• 
  o‘zgartirmaslik (texnologik tartiblarni);
  
• 
  takrorlamaslik (xatolarni).
  

Bu qoidalar ishlab chiqarishni tayyorlash va ishlab chiqarish bosqichlari uchun detallashtirilgan hamda har bir ishchiga yetkazilgan.

Shu tarzda, Yaponiyada sifatga munosabatning asosiy jihatlarini ko‘rib chiqamiz:

• 
  boshqaruv va texnologiya sohasida ilmiy ishlanmalarni keng tatbiq etish;
  
• 
  ishlab chiqarishni boshqarish, tahlil qilish va nazorat qilishning hamma operatsiyalarining yuqori kompyuterlashtirilganlik darajasi;
  
• 
  insonning imkoniyatlaridan maksimal darajada foydalanish. Buning uchun ijodiy faoliyatni rag‘batlantirish (sifat to‘garaklari), o'zining firniasiga sodiqlik ruhida tarbiyalash, xodimlarni tizimli va har tomonlama o'qitish choralari ko'riladi.