02Шахснинг ўз-ўзига муносабатини баҳолаш методикаси

Паст қийматлари (1-3 стенлар): шахснинг ўзига ижобий муносабатда бўлишини, ўз имкониятлари ва атроф-муҳит талаблари ўртасидаги, истак-хоҳишлари ва амалда эришган ютуқлари ўртасидаги мувозанатни ҳис этишини, шаклланган ҳаётий вазиятлар ва ўзидан мамнунлигини билдиради. Шу боис, бу унинг муаммолари мавжудлигини инкор этишини ва ўзига нисбатан юзаки муносабатда бўлишини кўрсатади.
9. «Ўз-ўзини айблаш» шкаласи шахснинг ўз «Мен»ига нисбатан салбий ҳиссиётини ифода этади.
«Ўз-ўзини айблаш» шкаласининг юқори қийматлари (8-10 стенлар): ўзининг камчиликларини кўра олган, ўзининг хато ва омадсизликларига ўзини сабабчи деб билган шахслар учун хосдир. Мулоқот соҳасидаги муаммоли вазиятлар, зиддиятлар психологик ҳимояланишни янада фаоллаштиради. Хусусан, бунда «Мен»ни ҳимоялаш устуворлик касб этади. Ўз-ўзини айб­лаш асосий эҳтиёжларнинг қондирилмаслигини ҳис этиш ва ички зўриқишнинг ривожланишига олиб келади.
Ўртача қийматлари (4-7 стенлар): шахснинг ўзига муносабатни танлашини кўрсатади. Ўзини у ёки бу хатти-ҳаракати учун айблаш теварак-атрофдагиларидан ғазабланишга, афсусланишга олиб келади.
Паст қийматлари (1-3 стенлар): шахснинг зиддиятли вазиятларда ўзининг айбдорлигини инкор этиш тенденциясини кўрсатади. Бундай шахс бошқаларни айблаш, муваффақиятларга эришиш йўлидаги тўсиқларни бартараф этишда бошқаларни масъул деб ҳисоблаш эвазига ўз «Мен»ини ҳимоя қилади. У бошқаларни айблаш, нохушлик ва кўнгилсизликларнинг манбаини излаш ҳисобига ўз-ўзидан қониқиш ҳиссини туяди.