Ў збекистон республикаси мактабгача таълим вазирлиги мактабгача таълим ташкилотлари

Ой:Сентябрь.
Мавзу:Ўзбекистон – менинг Ватаним
4-хафта Мен ва менинг дўстларим
Мавзу: А. Авлоний. "Ёлғон дўст"асарини ҳикоя қилиш.
Мақсад:
Қайта ҳикоя қилаётганда сўзларни грамматик жиҳатдан тўғри тузади.
Ҳикоя мазмунини мантиқий изчил­ликда қайта сўзлай оладилар ва қайта ҳикоя қилаётганда овоз оҳангининг хилма-хил турларини қўллай олишга ўрганадилар.
Боланинг сўзлашув ва ҳикоя қилиб бериш нутқи ривожланади. Суҳбат жараёнида фаол иштирок этади. Асар бўйича берилган саволларга тушуниб, аниқ ва тўлиқ жавоб беради.
Керакли жиҳозлар:Асар бўйича расмлар
Таълимий-тарбиявий фаолиятнинг бориши:
Болалар қандай болаларни яхши дўст деб аташ мумкин?
Сизнинг дўстингиз борми? Ким? Яхши дўстлар ҳақида қандай мульт­фильм ёки кинофильм кўрганмисиз?
Ҳозир мен сизга А. Авлонийнинг икки боланинг дўстлиги ҳақидаги ҳикоясини ўқиб бераман. Сиз агар яхшилаб эшитсангиз улар қандай дўст эканини билиб оласиз.
(тарбиячи ҳикояни ифодали қилиб ўқиб беради)


Ёлғон дўст. Абдулла Авлоний
Бир вақт икки киши дўст бўлиб сафарга чиқишар эди. Бир тоғ ичидан кетиб борганларида узоғдан бир йўлбарсни кўрибдилар. Дўстларнинг бири дархол югуриб, бир дарахт устига чиқибди.
Иккинчиси шошилиб қолиб, нима қилишини билмай, ерга чўзилиб, ўлганга ўхшатиб ётибди. Йўлбарс келиб, искаб-искаб ўлик гумон қилиб, қайтиб кетибди. Ўртоғи дарахтдан тушиб:
- Дўстим, йўлбарс қулоғингга нима деб сўзлаб кетди,-деб сўрабди. Ўртоғи:
- Оҳ, дўстим, шодлигингда ўртоқ бўлиб, ғам вақтингда ташлаб қочадиган номард кишилар ила йўлдош бўлма! деб сўзлаб кетди,-деб жавоб берибди.
Тарбиячи хикояни ўқиб бўлиб болаларга саволлар билан мурожаат қилади.
Ҳикоя бўйича саволлар:
Икки дўст қаерга чиқишибди?
Улар нимани кўриб қолишибди?
Дўстлар нима иш қилишди?
Йўлбарс нима қилди?
Ўртоғи дарахтдан тушиб, дўстидан нимани сўради?
Ўртоғи нима деб жавоб берди?
Савол-жавобдан сўнг тарбиячи ҳикояни яна бир бор ўқиб беради, сўнгра 3 - 4 болалар ҳикоялари тинглайди.