Ў з б е к и с т о н д а в л а т с т а н д а р т и

Bitiruvchilarning kasbiy kompetentsiyalariga qoʻyiladigan talablar tegishli kasblarning malaka talablarida belgilanadi.


3.2. Kasblarning oʻquv reja tuzilmasi va ularga qoʻyiladigan talablar.
530 000 - Ishlab chiqarish va qayta ishlash tarmoqlari ta’lim sohasidagi kasblar va mutaxassisliklar oʻquv rejalari va fan (modul) dasturlari umumiy oʻrta, boshlangʻich, oʻrta va oʻrta maxsus professional ta’limning uzluksizlik va uzviylik ta’minlanishini inobatga olgan holda ishlab chiqilishi va oʻquvchilarning quyidagi majburiy fanlar bloklarini oʻzlashtirilishini nazarda tutish zarur:
Umumta’lim fanlar;
Umumkasbiy fanlar;
Maxsus fanlar;
Oʻquv amaliyotlari;
Ishlab chiqarish va diplom oldi amaliyoti.
Boshlangʻich professional ta’limning kasblar oʻquv rejalari va fan (modul) dasturlarini oʻzlashtirishda oʻquvchilarning oʻquv faoliyatiga oid masalalar va muammolar boʻyicha mustaqil bilim olishi nazarda tutilishi lozim.
Boshlangʻich professional ta’limning kasblar oʻquv rejalari muvofiq ravishda yakuniy davlat attestatsiyasi bilan tugallanishi lozim.
Oʻquv reja fanlari bloklari mazmuniga qoʻyiladigan umumiy talablar:
Umumta’lim fanlar bloki;
Umumta’lim fanlari roʻyxati, soatlar hajmi va mazmuni Oʻzbekiston Respublikasi Xalq ta’limi vazirligi bilan birgalikda Vazirlik tomonidan belgilanadi.
Umumkasbiy fanlar;
umumta’lim fanlar va maxsus hamda mutaxassislik fanlar oʻrtasida ilmiy va nazariy bogʻliqlikni ta’minlaydi;
maxsus va mutaxassislik fanlarni oʻrganish uchun zarur boʻlgan fundamental bilimlarni, amaliy koʻnikma va oʻquvlarni shakllantiradi;
mehnat muhofazasi va xavfsizlik texnikasi qoidalariga amal qilish koʻnikmalarini shakllantirish.
Maxsus fanlar bloki:
kasbiy faoliyat sohalarida erishilgan asosiy yutuqlar, muassasalar va ularning rivojlanish istiqbollari haqida tasavvur hosil qilish;
oʻz kasbi boʻyicha maxsus bilimlar kasbiy faoliyat koʻnikmalarini shakllantirish;
oʻquvchini kelgusida ta’limni davom ettirish va mehnat bozoriga raqobatbardosh kadr boʻlib chiqishiga zarur boʻlgan bilimlarni shakllantirish.