Ў з б е к и с т о н д а в л а т с т а н д а р т и

3.17.-rasm. Sig’imli qizdirgich.
1-kirish joyi; 2-manometr; 3-ellipsli tub; 4-termometr;5- issiq suvning chiqishidagi quvur; 6-saqlovchi klapan; 7-korpus; 8-ko’taruvchi moslama; 9-suvni tukib yuboruvchi quvur; 10-sovuq suv kirish uchun quvur; 11-ilon izi quvur; 12-isituvchi issiqlik tashuvchining kirish va chiqish joyi
Qizdirgichlarda, qizdiruvchi issiqlik tashuvchi sifatida bug’ va suv qo’llashni yo’nalishi issiqlik almashuvi, qiziyotgan suv hajmidan gazlarni chiqarish va xosil bo’layotgan kondensatni olib chiqish uchun yaxshi sharoitni yaratadi.
Qizdirgichning konstruksiyasi issiqlik tashuvchini yuqori tezlikka ega bo’lishini ta’minlay olmaydi, shu tufayli issiqlik uzatish koeffisienti qiymati tez qizdirgichlardan iborat 3 baravar kam. Bosimi 0,07 MPa bo’lgan bug’ va harorati 115 ^oS dan yuqori haroratli suv bilan qizdirilayotgan sig’imli qizdirgichlar ularga xizmat ko’rsatish xavfsiz bo’lishi uchun saqlovchi klapanlarga ega bo’lishlari lozim.
Aralashtiruvchi bug’-suv qizdirgichlar- ishdash prinsipiga ko’ra: barbotajli, oqimli, tomchisimon va pardali bo’ladi. Barbotajli qizdirgichlarda bug’ suv ustini tagiga tegishini quvurlar orqali beriladi. Bu usul kam quvvatli va kam hajmli suvlarni qizdirish uchun qo’llaniladi. bug’ oqimli qizdirgichlar kattik shovkin chiqaradi, shu tufayli ularni korxonani issiq suv bilan ta’minlash tizimlarida ishlatiladi. Issiqlik tashuvchini jadal aralashtirish issiqlik uzatish koeffisientini yuqori bo’lishini (20000 Vt/m²·^oS) ta’minlaydi. Tomchisimon va pardali qizdirgichlarning issiqlik uzatish koeffisienti bir muncha kam qiymatga ega bo’ladi.
Aralashtirgich, issiqlik tarmoqlaridan to’g’ridan-to’g’ri suv , issiq suv bilan ta’minlash tizimiga olinganda, issiq suvning zarur bo’lgan haroratni xosil kilish uchun xizmat qiladi.
Rasmda siljiydigan sozlovchi klapanni (RKS) suyuqlikda ishlovchi termorele bilan bir blokdagi (TRJ) konstruksiyasi ko’rsatilgan. Chegaralovchi tirqishlari bo’lgan egar (sedlo) va taqsimlovchi (zolotnik) drossellash (suvning quvurlardan o’tishini tartibga solib turish) va issiq va sovuq suvni yaxshi aralashishini ta’minlaydi.