Қ. Муртазоев кўчаси, 11-уй

Катталикнинг асосий бирлиги деб бирликлар тизимидаги иҳтиёрий равишда танланган асосий катталикнинг бирлигига айтилади.
Бунга мисол қилиб, LMT - катталиклар тизимига тўғри келган МКС бирликлар тизимида метр, килограмм, секунд каби асосий бирликларни олишимиз мумкин.
Ҳосилавий бирлик деб, берилган бирликлар тизимининг бирликларидан тузилган, таърифловчи тенглама асосида келтириб чиқарилувчи ҳосилавий катталикнинг бирлигига айтилади.
Ҳосилавий бирликка мисол қилиб 1 m/s - халқаро бирликлар тизимидаги тезлик бирлигини; 1 Н = 1 kg. m/s² куч бирлигини олишимиз мумкин.


Халқаро бирликлар тизими.
1960 йилда ўлчов ташкилотининг бош конференцияси физик катталикларнинг халқаро СИ системасини қабул килди. Бу система Ўзбекистонда Ўз. РСТ.8.012-94 стандарти бўйича ўз тараққиётини топди.
СИ системасида 7 та асосий физик катталиклар бирликлари ва 2 та қўшимча бирликлар келтирилган.
Халқаро системанинг асосий бирликлари қуйидагилар ҳисобланади:
м - метр-узунлик бирлиги, кд - қандела-ёруглик кучи бирлиги, мол - модда миқдори бирлиги, с - секунд-вақт бирлиги, кг - килограмм-масса бирлиги, А - ампер-электр ток кучи бирлиги, К –келвин - термодинамик температура бирлиги.
Қўшимча бирликлар: рад - радиан-текислик бурчаги бирлиги, ср - стерадиан- фазовий бурчак бирлиги.
СИ бирликлар системасининг ҳосилалари когерент ҳосилалар келиб чиқиши қоидасига кўра асосий ва қўшимча бирликлардан ҳосил бўлади. Уларнинг баъзилари машҳур олимларнинг номлари билан аталган, масалан: нютон, герц, паскал, кулон, ом, сименс, тесла, беккерел, ва бошқалар. Бу бирликларнинг ҳам халқаро, русча номлари бош ҳарфлар билан ёзилади.
Бирлик номига фақат битта олд қўшимча қўйишга рухсат этилади (масалан, микромикрофарад эмас балки пикофарад).
СИ системаси бирликларини ёзиш қоидалари ГОСТ 8.417-81 билан регламентланган.

Бирликларни ва ўлчамларни белгилаш ва ёзиш қоидалари.

Катталикларнинг бирликларини белгилаш ва ёзиш борасида стандартлар асосида меъёрланган тартиб ва қоидалар мавжуд. Бу қоидалар ва тартиблар ГОСТ 8.417-81 да атрофлича ёритилган.