Қ. Муртазоев кўчаси, 11-уй

Ўлчаш турлари.

Ўлчанаётган катталикнинг сонли қийматини топишнинг бир неча хил турлари (йўллари) мавжуддир. Қуйида шу йўллар билан танишиб чиқамиз.

Бевосита ўлчаш - Ўлчанаётган катталикнинг қийматини тажриба маълумотларидан бевосита топиш. Масалан, оддий симобли термометрда ёки линейка ёрдамида ўлчаш.
у = с∙х;
Бунда: у - муайян бирликда ифодаланётган ўлчанаётган катталикнинг қиймати;
с - шкаланинг бўлим қиймати;
х - шкаладан олинган қайднома.
Билвосита ўлчаш - бевосита ўлчанган катталиклар билан ўлчанаётган катталик орасида бўлган маълум боғланиш асосида каталикнинг қийматини топиш. Масалан, тезликни ўлчаш.
у = f (х₁ х₂ ...х_n).
Мажмуий ўлчаш - бир неча номдош катталикларнинг бирикмасини бир вақтта бевосита ўлчашдан келиб чиққан тенгламалар тизимини ечиб, изланаётган қийматларни топиш. Масалан, ҳар хил тарози тошларининг массасини солиштириб, бир тошнинг маълум массасидан бошқасининг массасини топиш учун ўтказиладиган ўлчашлар, ҳароратни қаршилик термометри орқали ўлчаш.
Биргаликдаги ўлчаш - турли номли икки ва ундан ортиқ катталиклар орасидаги муносабатни топиш учун бир вақтда ўтказиладиган ўлчашлар. Мисол, резисторнинг 20 ⁰С даги электр қаршилиги қийматини турли температураларда ўлчаб топиш.
Мутлақ ўлчаш - бир ёки бир неча асосий катталикларни бевосита ўлчанишини ва (ёки) физикавий доимийликнинг қийматларини қўллаш асосида ўтказиладиган ўлчаш.
Нисбий ўлчаш - катталик билан бирлик ўрнида олинган номдош катталикнинг нисбатини ёки асос қилиб олинган катталикка нисбатан номдош катталикнинг ўзгаришини ўлчаш.


Ўлчаш воситалари ва уларнинг турлари.


Маълумки, ўлчашни бирор бир воситасиз бажариб бўлмайди.
Ўлчаш воситаси ўлчашлар учун қўлланиладиган ва меъёрланган метрологик хоссаларига эга бўлган техникавий воситага ёки уларнинг мажмуасига айтилади.
Ўлчаш воситаларининг турлари хилма - хил. Улар содда ёки мураккаб аниқлиги катта ёки кичик бўлиши мумкин. Ўлчаш воситалари меъёрланган метрологик хоссаларига лозим ва бу метрологик хоссалар даврий равишда текширилиб турилади. Ўлчаш амалида ўлчанаётган катталикнинг қиймати тўғри аниқланиши айнан мана шу ўлчаш воситасининг тўғри танланишига ва ишлашига боғлиқ.