Қ. Муртазоев кўчаси, 11-уй

Конусли нутромерлар қиррали, цангали ва шарикли бўлади.
Ричагли нутромерлар стандарт ҳолда қулфакли ва ричагли узатмалар билан ишлаб чиқарилади. Ричаг узатмали нутромерларнинг ўлчаш диапазони 3-1000 миллиметрни (10 хилидаги ўлчам) ташкил қилади.
Қулфакли нутромерлар анча аниқ ўлчаш имкониятига эга, уларнинг ўлчаш чегараси 18 мм дан 50 миллиметргача.
Қиррали нутромерлар 0,2 миллиметрдан бошлаб ўлчайдиган нутромер бўлиб, ҳисоблашлар нониус шкаласи бўйича ёки стрелкали саноқ каллаги ёрдамида амалга оширилади.
Цангали нутромерлар 0,95 миллиметрдан бошлаб ўлчаш учун фойдаланилади.
Шарикли нутромерлар 3 мм дан 18 миллиметргача бўлган диапазонда (3 хилидаги ўлчам) диаметр ўлчашларни бажара олади.
Узоқ муддат олиб қўйилган нутромерларни ҳар бир режимда ишлатишдан олдин 2 соат давомида нормал шароитда сақлаш тавсия қилинади.
Ўлчаш диапазони 18 мм гача бўлган индикаторли нутромерларнинг бузилгунча ишлаб бериш муддати – камида 35000 шартли ўлчаш. Ўлчаш диапазони 18 мм дан юқори бўлган нутромерлар учун эса бу муддат – камида 45000 шартли ўлчаш. Шартли ўлчаш деганда, ҳаракатланадиган нутромер ўлчаш стерженининг, шу стержен учун меъёрлаштирилган энг кичик силжиш масофасигача бир марталик қайтма–илгариланма силжиши тушинилади.
Индикаторли нутромерларнинг бузилгунча ишлаб бериш муддати – камида микрометрик винтнинг 14000 жуфт юришига тенг. Нутро-мерларнинг бузилмасдан ишлаб бериш муддати – камида микрометрик винтнинг 3000 жуфт юриши сифатида белгиланган.
Индикаторли нутромерларнинг тўла ўртача хизмат муддати – камида 5 йил.


Ишни бажариш тартиби

Ўлчаш схемалари бўйича нутромерлар икки контактли ва уч контактли схема бўйича ўлчайдиган нутромерларга бўлинади. Нутромерларнинг кўпчилиги ўлчанадиган юза билан икки нуқта орқали контактда бўлади. Бундай нутромерлар икки контактли ўлчаш схемаси бўйича ясалади.

Ўлчаш чизиғи билан ўлчанадиган тешикнинг ўқ текислигини мос келтириш учун нутромерлар марказлаштирувчи кўприк билан жиҳозланган (НИ-10 бундай марказлаштирувчи кўприкка эга бўлмаслиги мумкин).
Ўлчашлар бир-бирига нисбатан 180⁰ бурчак остида жойлашган сферик шаклидаги иккита ўлчаш учлиги орқали амалга оширилади. Кўпгина микрометрларда ўлчаш чизиғини, назорат қилинаётган йўналиш бўйича марказлаштириш учун қурилма мавжуд. Шунингдек, нутромерларда ҳаракатни сферик учллардан ҳисобловчи қурилмага узатиш учун қўшимча махсус механизмлар ўрнатилади.
НИ-10 ва НИ-18 моделдаги нутромерларда ҳаракатланувчи ўлчаш стержени силжишининг катталиги ҳисоблаш қурилмасига қулфакли узатма ёрдамида узатилади, НИ-50 – НИ-450 нутромерларида бундай вазифани ричагли узатма бажаради.
НИ-700 ва НИ-1000 моделдаги нутромерларда ҳаракатланувчи ўлчаш стержени бевосита ҳисоблаш қурилмаси билан контактда бўлади. Керакли ўлчамга инструмент аттестатланган ҳалқалар бўйича ёки учли узунлик ўлчовлар блоки бўйича алмаштириладиган ўлчовчи стерженлар (шайбалар, узайтиргичлар) ёрдамида ўрнатилади.
6-10, 10-18, 18-50, 50-100, 100-160, 160-250 мм ўлчаш диапазонига эга бўлган нутромерлар 1 ва 2 аниқлик класси билан ишлаб чиқарилади.
250-450, 450-700, 700-1000 мм ўлчаш диапазонига эга бўлган нутромерлар 2 аниқлик класси билан ишлаб чиқарилади.
Нутромер шкаласи бўлинмасининг қиймати 0,01 мм.
Индикатор-нутромернинг метрологик тавсифларини аниқланг ва уларнинг кўрсаткичларини ҳисобот шаклидаги 1-жадвалга киритинг.
Деталдаги тешик ўлчамини индикатор-нутромер билан ўлчанг.
Меъёрий хужжатдан берилган детал ўлчамининг чегаравий ва юза шакл огишларини аникланг. Уларнинг қийматларини хисобот шаклидаги 2-жадвалга киритинг. Тешик ўлчамини индикатор-нутромер билан ўлчаш учун нутро­мер корпусининг (1) юқори қисмига индикатор (2) ўрнатилган бўлиб унинг катта стрелкаси бир тўлиқ айлангунча конус ичига силжитиб гайка ёрдамида қотирилади. Нутромернинг ўлчов каллаги тешигига номинал ўлчам бўйича танланган алмашувчан ўлчов ичкўймаси (5) ўрнатилади (7-расм). Нутромер комплектида бир-биридан 10 мм фарқ қиладиган алмашувчан ич қўймалар бор. Оралиқ ўлчамлар учун эса шайбалар мавжуд. Булар нутромернинг ўлчов каллагида керакли ўлчамни содир қиилишга кенг имкон яратади.

7 - расм
Индикатор-нутромерни нольга келтириш номинал ўлчам бўйича ҳисобланган тугалланган ўлчов меъёр блоки ёрдамида амалга оширилади. Тугалланган ўлчов меъёр блокига ёнбағирлар жипслаштириб махсус ушлагичга (7) йиғилади (8-расм).

8 - расм
Нутромернинг марказлаштирувчи кўиригини (8) қўл билан сикиб, пастки каллагини ушлагичда ўрнатилган ёнбацирлар орасига киритилади. Сўнгра асбобни аста чайьатиб катта стрелканинг чекка ҳолати топилади ва шу холатга, халқани айлантириб шкала бўйича нул келтирилади. Сўнгра индикатор ушлагичдан чикарилиб ўлчашга киришилади.

8-жадвал

Асбобнинг метрологик тавсияномаларини аниқланг
Асбобнинг номи	Асбобнинг бўлим миқдори, мм	Айланма кўрсаткичнинг бўлим миқдори, мм	Ўлчов чегаралари, мм	Рухсат этилган хатолик, мкм	Ўлчов услуби
Индикатор-нутромер НИ-18	0,01	0,01	10-18, 130	15

СИНОВ ТЕКШИРИШ САВОЛЛАРИ.

1. 
   Нисбии ўлчов услуби деб нимага айтилади?
   
2. 
   Нутромернинг метрологик кўрсаткичларига нималар киради?
   
3. 
   Индикатор-нутромернинг тузилиши.
   
4. 
   Нутромер қандай қилиб нулга ва ўлчамга ўрнатилади?
   

7.ГЛОССАРИЙ