 Гиёҳларнинг халқ табобатида қўлланилиши

Терига оқ доғлар тушганда (пес касаллигида) қуйидаги доривор 
гиёҳлар дамламаси ёрдам бериши табиблар тажрибасида кузатилган экан: 

Маккажўхори новдалари ва попуги (Кукуруза обыкновенная, столбики 
и рыльца) – 10 грамм 

Қирқбўғим гиёҳи (Хвощ полевой, трава) – 10 грамм 

Иттиканак гиёҳи (Череда трехраздельная, трава) – 15 грамм 

Зарчава ёки Қончўп гиёҳи (Чистотель большой, трава) – 5 грамм 

Чойўт гиёҳи (Зверобой продырявленный, трава) – 15 грамм 

Оддий игир гиёҳи илдизи (Аир обыкновенный, корни) – 15 грамм 

Оддий брусника барглари (Брусника обыкновенная, листья) – 10 грамм 

Маржон дарахти ёки ўти гуллари (Бузина черная, цветы) – 10 грамм 

Қора андиз гиёҳи илдизи (Девясил высокий, корень) – 10 грамм 
Бу гиёҳлар яхшилаб майдаланиб, аралаштирилади ва ундан 2 ош 
қошиғини термосдаги 0,5 литр қайноқ сувга солиб 4-6 соат дамланади ва 
сўнгра фильтрланади. Тайёр дамламани эрталаб ва кечқурун овқатдан кейин 
ярим стакандан тузалиш кузатилгунга қадар ичилади. Бунда албатта 
дерматолог шифокор назоратида бўлган маъқул.
Лишай касаллигида қуйидаги шифобахш гиёҳлар аралашмасидан 
тайёрланган суртма дори наф беради: 

Чойўт гиёҳи порошоги (Зверобой продырявленный, порошок)–10 грамм 

Вазелин – 40 грамм 
Чойўт гиёҳи порошогидан 2 ош қошиғини 1 стакан қайноқ сувга солиб, 1 
соат дамланади ва уни вазелинга аралаштириб, терининг касалланган 
жойларига суртилади.
Секинлик билан битадиган яраларни даволаш учун ва бошқа тери 
касалликларида қуйидаги доривор гиёҳлар аралашмасидан тайёрланган 
қайнатма шифо бўлиши мумкин: 

Чойўт гиёҳи (Зверобой продырявленный, трава) – 40 грамм 

Мойчечак гиёҳи гуллари (Ромашка аптечная, цветки) – 30 грамм 

---

Do’stlar, qadrdonlar va farzandlar uchun 
Professor Ayupov Ravshan Xamdam og’lidan tuhfa 
84 

Қирқбўғим гиёҳи (Хвощ полевой, трава) – 30 грамм 
Бу гиёҳлар яхшилаб майдаланиб, аралаштирилади ва ундан 2 ош 
қошиғини 0,5 литр совуқ сувга солиб, паст оловда 20-30 дақиқа милтиллатиб 
қайнатилади ва сўнгра фильтрланади. Тайёр қайнатмани кунига 3 маҳал 1/3-
1/2 стакандан ичилади ёки компресслар тайёрлаш учун ишлатилади. Аммо бу 
муолажалар даволовчи шифокор назорати остида бўлиши лозим.