 Гиёҳларнинг халқ табобатида қўлланилиши

Овқат ҳазм қилиш органлари касалликларида 
Чойўтнинг дамламасини тайёрлаш учун гиёҳнинг 1 ош қошиғи устига 1 
стакан қайнаб турган сув қуйилади ва термосда дамлаб қўйилади. Бу 
дамламани овқатдан олдин кунига 3-4 маҳал чорак стакандан ичилади. 
Натижада ошқозон нордонлиги (кислотность) нормаллашади, ошқозон 
қайнаши йўқолади ва ич яхши келадиган бўлади.

---

Do’stlar, qadrdonlar va farzandlar uchun 
Professor Ayupov Ravshan Xamdam og’lidan tuhfa 
27 
Ошқозон-ичак йўллари касалликларида қуйидаги услубда тайёрланган 
қайнатма фойда беради. Бунинг учун чойўтнинг 1 ош қошиғининг устига 1 
стакан қайнаб турган сув қуйилади ва паст оловда 15 дақиқа милтиллатиб 
қайнатилгандан сўнг, фильтрланади. Уни кунига 3 маҳал чорак стакандан 
ичилади.
Чойўтнинг спиртли дамламасини тайёрлаш учун янги узилган 
чойўтнинг 100 граммига 100 мл ароқ қуйилади ва усти ёпиқ идишда 1 ҳафта 
сақланади. Уни овқатдан сўнг кунига 3-4 маҳал 30 томчидан ичилади. 
Ошқозон ва ичаклар оғриганида чойўтнинг 2 ош қошиғи устига 1 
стакан қайнаб турган сув қуйилади ва 2 соат дамлаб қўйилади. Сўнгра уни 
овқатдан сўнг кунига 3 маҳал 1/3 стакандан ичилади.
Ошқозон қаттиқ оғриганда ичиладиган чой тайёрлаш учун қуйидаги 
гиёҳлардан фойдаланилади: 

Чойўт (Зверобой продырявленный) – 1 қисм 

Газандаўт ёки Қичитқиўт (Крапива) – 1 қисм 

Таволга гуллари (Таволга, цветки) – 1 қисм 
Бу аралашманинг 6 ош қошиғи устига 3 стакан қайнаб турган сув 
қуйилади ва бир соат дамлангандан сўнг, бир стакан ичилади. Дамламанинг 
қолганини бир кунда 3-4 маҳалдан ичилади.
Ошқозон-ичак 
касалликларида 
қуйидаги 
гиёҳлардан 
қайнатма 
тайёрланади: 

Тоғарча мевалари (Можжевельник, плоды) – 1 қисм 

Қалампир ялпиз гиёҳи барглари (Мята перечная, листья) – 1 қисм 

Мойчечак гуллари (Ромашка, цветки) – 1 қисм 

Чойўт гиёҳи (Зверобой продырявленный) – 1 қисм 

Тиллабош гиёҳи (Золототысячник, трава) – 1 қисм 
Бу гиёҳлар аралашмасининг 4 ош қошиғи устига 1 литр қайнаб турган сув 
қуйилади ва яна 7-10 дақиқа қайнатилиб, сўнгра фильтрланади. Уни кунига 3 
маҳал 1 стакандан ичилади. 

---

Do’stlar, qadrdonlar va farzandlar uchun 
Professor Ayupov Ravshan Xamdam og’lidan tuhfa 
28 
Ошқозонда газлар йиғилиб оғриганда ва ошқозон қайнаганда қуйидаги 
гиёҳлар дамламаси ёрдам беради: 

Чойўт гиёҳи (Зверобой продырявленный) – 1 қисм 

Тиллабош гиёҳи (Золототысячник, трава) – 1 қисм 

Сущеница гиёҳи (Сущеница, трава) – 1 қисм 
Бу гиёҳларнинг 3 ош қошиғини 1 литр қайнаб турган сувга солиниб, 
дамланади ва тайёр дамлама кунига 4-5 маҳал ярим стакандан ичилади.
 
Метеоризм (ичакларда газлар йиғилиб қолганда) қуйидаги гиёҳлар 
фойда беради: 

Чойўт гиёҳи (Зверобой продырявленный) – 50 грамм 

Милянка гиёҳи илдизи (Мылянка лекарственная, корень) – 25 грамм 

Зарчава ёки Катта қончўп (Чистотел) – 15 грамм 
Бу гиёҳлар аралашмасининг 1 ош қошиғи 250 мл қайнаб турган сувда 
дамланиб, филтрлангандан сўнг, овқатдан 1-1,5 соат олдин кунига 2-3 маҳал 
кичик хўпламлар билан ичилади.