Ӯ ба Доғистони худ монанд буд!

"Ҷашни шеъри ҷаҳон"
Дар ҳамин ҳол, дар авосити моҳи октябри соли ҷорӣ ба ибтикори Сафорати Русия дар
Тоҷикистон ва Фарҳангистони Шеъри Ҷаҳон, ба муносибати 85-солагии зодрӯзи шоъири
шаҳири Доғистон, Расул Ғамзатов, дар толори сафорати Русия шабнишинии хотирмоне
баргузор гардид.
Дар ёдбуди шоъир, ки "Маҳфили дӯстони
Расул Ғамзатов" унвон дошт,
намояндагони илму адаб ва фарҳанги
тоҷик ва меҳмонони хориҷӣ ширкат
доштанд.
Рамазон Абдулатифов, адибу файласуфи
шинохта ва сафири Русия дар
Тоҷикистон, маҳфили ёдбуди Расул
Ғазатовро ифтитоҳ намуд ва аз ҷумла
гуфт: «Расул Ғамзатов на танҳо шоъири
халқии Доғистон, балки яке аз
шоҳсутунҳои қавии шеъри қарни бисти
Русия ва ҷаҳон ба шумор меравад.
Ҷашни шоъир, ҷашни шеъри ҷаҳон аст!».
Ман, ки ба унвони раиси Фарҳангистони
шеъри ҷаҳон, садорати маҳфилро ба ухда
доштам, чунин гуфтам: « Шеърро
гуфтугӯйи инсон бо худо меноманд, ки
аҷаб нест. Шоъирон мераванд, аммо
гуфтугӯйи эшон бо офаридгори беҳамто
ҳамчунон идома дорад. Шеъри Расул
Ғамзатов низ идомаи ин гуфтугӯй аст..."
Дар ин маҳфил устодон Мӯъмин Қаноъат
ва Муҳаммадҷон Шакурии Бухороӣ, адабиётшинос Камол Айнӣ, окодемисян Талбак
Назаров, ки пештар вазири хориҷаи Тоҷикистон буд, Генрих Байраховский, аз дӯстони
шоъир, Абутолиб Аҳмадов, сафири Қазоқистон дар Тоҷикистон, Шалва Кобиридзе, раиси
анҷумани гурҷиёни Тоҷикистон, Ҳикмат Раҳматов, тарҷумони ашъори Расул Ғамзатов ба
забони форсии тоҷикӣ, дар бораи шахсият ва осори шоъири шаҳир суханронӣ карданд.
Ҳунарпешаҳои маъруф Ортиқи Қодир, Саъдулло Юсуфов, Азалия Галиахметова, Фотима
Абурауфова ва дигарон низ шеърҳое аз Расул Ғамзатовро қироъат карданд ва таронаҳое
замзама намуданд.

---

Сафаҳоти сойти инглисии Би-би-сӣ
Copyright © 2020 Би-би-сӣ. Би-би-сӣ масъули муҳтавои сойтҳои дигар нест. Сиёсати мо дар бораи линк додан ба