Ҳ. А. АрFинбоев, Ҳ. У. Абдуллаев, А. М

3.3-жадвал
Турли табиий сиртларнинг альбедолари (% ларда)

Сирт	Альбедо	Сирт	Альбедо
Янги ёққан қор	80-95	Буғдой даласи	10-25
Ифлосланган қор	40-50	Картошка даласи	15-25
Тўқ тусли тупроқ	5-15	Ғўза даласи	20-25
Қуруқ лойли тупроқ	20-35	Қуруқ дашт	20-30
		Игнабаргли ўрмонлар	10-15
Қуруқ қумли тупроқ	25-45	Баргли ўрмонлар	15-20
Денгиз музи	30-40	Ўтзор	15-25

Юзаси ғадир-будур тўқ тусли тупроқ, юзаси текис ва ёрқин тупроққа қараганда йиғинди радиацияни кам қайтаради.

Нам тупроқ йиғинди радиацияни қуруқ тупроққа нисбатан кам қайтаради. Демак, тупроқ намлиги ортиши билан йиғинди радиацияни ютиши кучаяди. Бу эса суғориладиган ерларнинг иссиқлик режимини ўзгартиришда катта аҳамиятга эга.
Қорнинг альбедоси ўртача 60% га тенг, янги ёққан тоза қорнинг альбедоси эса 90% гача етади.
Сув сиртининг альбедоси қуёш нурларининг сув сиртига тушиш бурчагига боғлиқ. Масалан, Қуёш баландлиги h_o = 90 да А = 2%, h_o = 50 да А = 4%, h_o =10 дан кичик бўлганда А = 50-70% бўлади. Бу мисолдан кўринадики, сув сиртининг энг кам альбедоси тушки пайтда, энг катта альбедоси эрталаб ва кечқурун кузатилади. Бунинг сабаби, Қуёш баландлиги кичик бўлганда йиғинди радиация таркибида сочилган радиация улуши кўп бўлади. Сочилган радиация эса нотекис таглик юзадан тўғри радиацияга нисбатан кўпроқ қайтади.
3.3-жадвалдан қор ва музнинг альбедоси анча катта эканлигини кўрамиз. Шунинг учун қор ёки муз қатлами қуёш радиациясидан жуда кам иссиқлик олади. Натижада қутбий ҳудудларда ҳаво ҳарорати жуда паст бўлгани учун баҳор кечикиб бошланади ва абадий музликлар сақланади.