# 3-son 2019. indd

Ta’limning tarbiyalovchi xarakteri. Ta’lim jarayonida o‘quvchilarni tarbiyalash 
sodir bo‘ladi. Bu umumiy qoida mehnat tarbiyasi uchun ham xarakterli. Mehnat ta’limi 
o‘quvchilarga mehnat tarbiyasi berish, ularni mehnatga psixologik jihatdan tayyorlash 
maqsadida maktab o‘quv planiga majburiy fan sifatida kiritilgan. Shunday qilib, meh-
nat tarbiyasi muhim ta’limiy masalalardan biri sifatida qaralishi kerak. Bu masala ish 
obyektlarini tanlashda, mashg‘ulotlarni tashkil qilish va hokazolarda hisobga olinadi. 
O‘quvchilarning mehnat ta’limi jarayonidagi faoliyatlarining xarakteri mehnat tarbiyasi 
uchun eng qulay sharoit yaratadi. Avvalo, o‘quvchilarda mehnatga ijobiy munosabat 
tarkib topadi va bu o‘quvchilar o‘z topshiriqlarini katta mas’uliyat va juda ishtiyoq bi-
lan bajarishlarida namoyon bo‘ladi. O‘quvchilar unumli mehnatga qo‘shilib, jismoniy 
mehnat o‘zining ijtimoiy ahamiyati bo‘yicha aqliy mehnatdan qolishmasligini tushuna 
boshlaydilar.