Ўзбекистон республикаси конституциясида ёшларнинг ҳУҚУҚ, эркинлик ва бурчлари

2-МАВЗУ: ЎЗБЕКИСТОН РЕСПУБЛИКАСИ ФУКАРОЛАРНИНГ ҲУҚУҚЛАРИ, ЭРКИНЛИКЛАРИ ВА МАЖБУРИЯТЛАРИ

Президент Ислом Каримовнинг Ўзбекистон Республикаси Конституцияси қабул қилинганининг 21 йиллигига бағишланган тантанали маросимдаги “Амалга ошираётган ислоҳотларимизни янада чуқурлаштириш ва фуқаролик жамияти қуриш – ёруғ келажагимизнинг асосий омилидир” номли маърузасидан:
«Биз ўтган йиллар давомида амалга оширган барча эзгу ишларимизни давом эттириб, келгусида ҳам ўз танлаган йўлимиздан ҳеч қачон ортга қайтмаймиз ва Конституциямизда белгилаб берилган барча олижаноб мақсад-муддаоларимизни сўзсиз амалга оширамиз».
Конституция алоҳида юридик ҳусусиятга эга бўлган ягона
сиёсий-ҳуқуқий ҳужжатдир. Конституцияда шахс, жамият ва
Давлат ўртасидаги муносабатларнинг асосий принциплари ўрнатилади,
Давлат ҳокимиятининг тузилиши, субъектлари, ҳокимиятининг амалга
ошириш меҳанизми белгиланган, жамият, инсон ва фуқароларнинг
Давлат томонидан қўриқланадиган ҳуқуқлари мустаҳкамланган.
1992 йил 8 декабр куни Ўзбекистон Республикаси Олий Кенгашининг ўн биринчи сессиясида Ўзбекистон Республикасининг Конституцияси қабул қилинди. Ўзбекистон Республикаси Конституцияси Муқаддима, 6 та бўлим, 26 та боб, 128 моддаларни ўз ичига олади.
Муқаддима
Асосий принциплар
Маъмурий-ҳудудий ва давлат тузилиши
Конституцияга ўзгартириш киритиш тартиби
Инсон ва фуқароларнинг асосий ҳуқуқлари, эркинликлари ва бурчлари
Жамият ва шахс
Давлат ҳокимиятининг ташкил этилиши
Суверен Ўзбекистоннинг биринчи Конституциясини тайёрлаш, муҳокама этиш, қабул қилиш ва унинг амал қилишининг муҳим хусусияти қуйидагича
Биринчи хусусияти – Конституция лойиҳаси 1990 йил-да Ўзбекистон парламенти томонидан Президент Ислом Каримов бошчилигида ташкил этилган Конституция комиссияси томонидан 2 йилдан ортиқ вақт мобайнида тайёрланди.
Иккинчи хусусияти – Ўзбекистон Конституциясининг ташаббускори ва асосий муаллифи мамлакат Президенти ҳисобланади.