Yordamchi maktabda pedagogikada ma’Ium bo'lgan hamma ko'rgazmali vositalardan foydalaniladi; natural ko'rgazmalilik, tasviriy ko'rgazmalilik, so‘z ko'rgazmaliligi va ramziy ko'rgazmalilik

2- amaliy.

Yordamchi maktabda pedagogikada ma’Ium bo'lgan hamma ko'rgazmali vositalardan foydalaniladi; natural ko'rgazmalilik, tasviriy ko'rgazmalilik, so‘z ko'rgazmaliligi va ramziy ko'rgazmalilik. Bu o'rinda shuni e’tiborga olish kerakki, ko'rgazmalilik turli shakllarda ifodalanishi mumkin: natural ko'rgazmalilik o'quvchilaming narsa va hodisalami bevosita idrok qilishini nazarda tutadi, sinfda o'tkaziladigan tajribalar, sayohatlar ham shunga kiradi. Tasviriy ko‘rgazmalilik tasviriy vositalar - rasmlar, mulyajlar, diapozitivlar, kinokartinalar yordamida amalga oshiriladi. Tasviriy vositalaming mazmuniga qarab ko'rgazmalilik haqiqiy, tasviriy va ramziy ko'rgazmalilikka (rasmlar, chizmalar, jadvallar, diagrammalar) bo‘linadi. So'z ko'rgazmaliligi deganda, o'qituvchining o'quvchilarda muayyan tasawurlarni uyg'otadigan yorqin, obrazli, jonli nutqi tushuniladi.

Modomiki yordamchi maktabda o'qitish davrida o'quvchilaming nutqi va tafakkuri aniq — obrazlidan, mavhum — mantiqiyga qarab rivojlanar ekan, turli ko'rgazmali vositalarni qo'llash ham shunchalik o'zgarib boradi. Quyi sinflarda narsalar, hodisalar haqidagi tasawurlarni vujudga keltirish uchun natural va tasviriy ko'rgazmalilikdan keng foydalanilsa, yuqori sinflarda tasviriy va ramziy ko'rgazmalilikdan foydalaniladi, chunki bola rivojlanishining dastlabki bosqichlarida mavhum materialni faqat aniq, ko'rsatmali material orqali o'zlashtirishga qobiliyatli bo'ladi.

Yordamchi maktabda ta’lim berishda ko'rgazmalilikni o'quvchilaming amaliy faoliyatlari bilan bog'lash juda muhim. Shuning uchun ko'pincha fan darslarida bolalar o'rganilgan narsalami yasaydilar yoki rasmini solish bilan tasvirlaydilar, yoki ularning mehnati maktab yer maydonida hamda sinfda tashkil qilinadi.

Shunday qilib, ko'rgazmalilik tamoyili o'qitishni faollashtirishga ham muhim ta’sir ko'rsatadi. Ko'rgazmalilik tamoyiliga Beruniy fikri bilan yakun yasasak: «Ko'rgan narsalami tasavvur qilishga odatlangach, sekin-asta fikrlashga o'tish osonlashadi».