Yangi o’zbekistonda erkin va farovon yashaylik

O`ZBEKISTON RESPUBLIKASI MUSTAQILLIGINING 30 YILLIGIGA BAG`ISHLAB “YANGI O’ZBEKISTONDA ERKIN VA FAROVON YASHAYLIK ” SHIORI OSTIDA TAYYORLANGAN TADBIR  SENARIYSI
Maqsad:       O`quvchilarning erk,istiqlol,vatan tuyg`usi haqidagi bilimlarini yanada mustahkamlash, ularda tug`ilib o`sgan yurtiga,ona zaminga sadoqat,mardlik,vatanparvarlik,insoniylik fazilatlarini qaror toptirish, ajdodlardan faxrlanish,g`urur va iftixor tuyg`usini singdirish orqali yuksak didli,iymon-e`tiqodli, aqlan barkamol,ma`nan yetuk,komil insonlar etib tarbiyalash, bolalarning dunyoqarashini,bilim va tafakkurini,mustaqil fikrlash qobiliyatini shakllantirish va rivojlantirish.
 (Sahnaga davrani boshqarib boruvchi milliy kiyimdagi suxandonlar-yigit va qiz kirib kelishadi).

1-suxandon:

Assalom,ona yurtim,go`zal diyorim,

Salom senga tuprog`i zar,buyuk Turonim!

Salom senga,jannatmakon bog`im,chamanim,

Mustaqil diyorim,O`zbekistonim!
2-suxandon:

Assalom,ulug` xalq,o`zbegim,

Dili pok,qutlug` xalq,o`zbegim!

Assalom,hur taqdir,istiqlol,

Iqbolim,sharafim,o`zligim!

Tong bilan yayraydi madhiyam,

Porlaydi yuksakda quyoshim,

Yo`l ko`rkam,el ko`rkam,dil ko`rkam,

Karvoning boshlayver,yurtboshim!
So`ngra O`zbekiston Respublikasining madhiyasi yangraydi.
1-suxandon:

Assalomu alaykum, qadrli mehmonlar!

2-suxandon:

Aziz ustozlar,hurmatli o`quvchilar! Barchalaringizni eng aziz,eng ulug` bayram –Mustaqillik kuni bilan muborakbod etamiz.

      (Sahnaga kichik yoshdagi qizaloq va yigitcha kirib keladi).
Qizaloq: Otalari chiroyli,yurtim,

Yigitcha: Onalari chiroyli,yurtim,

Qizaloq: Jannatmakon deydilar ajab,

Yigitcha: Bog`-rog`lari chiroyli,yurtim.

Qizaloq: Yigitlari chiroyli,yurtim,

Yigitcha: Gul qizlari chiroyli,yurtim,

Qizaloq: Aslo senga ko`zlar tegmasin,

Yigitcha: Bayramlari chiroyli,yurtim!
               (Qizaloq va yigitcha asta-sekin parda ortiga chekinishadi).
1-suxandon: Ha,aziz do`stlar,biz bilan siz ana shinday jannatmakon,barcha havas qilgulik,bayramlari chiroyli go`zal yurtda yashayapmiz.Bugun biz tantanalar bilan nishonlayotgan Mustaqillik kuni bayramlar ichida eng aziz,eng ulug`,eng suyukli bayramdir.
2-suxandon: Aziz yurtdoshlar! Jannatmakon O`zbekistonimiz tarixiga 1991-yil 31-avgust”Asrga tatigulik kun”sifatida zarhal harflar bilan bitildi.Ushbu kunda O`zbekiston Respublikasi Oliy Kengashining “Davlat mustaqilligi asoslari to`g`risida”gi bayonoti,O`zbekiston Respublikasining “Davlat mustaqilligi asoslari to`g`risida”gi qarori qabul qilindi.
1-suxandon: Har yili 1- sentyabrni O`zbekiston Respublikasi  mustaqilligi bayrami sifatida tantanali tarzda nishonlaymiz. Bugungi bayramimizga ham mexmonlar tashrif buyurishgan
(Dastlab tadbirga taklif etilgan mehmonlarni tanishtiradi).
2-suxandon:        Mustaqilligimizning 30 yilligiga atab tayyorlangan bayram tadbirimizni ochib berish uchun so’zni maktab-internat direktori Ergashxo’ja Jo’raxo’jayev hamda _______________________ ustozlarga beramiz, marxamat!

 

1-suxandon: Rahmat,ustoz,doimo ishlaringizga omad tilaymiz.

 

2-suxandon:

Ey,go`zal yurtim,muborak shonli istiqlol senga,

Yarqirab taqdir yo`li baxsh aylagan iqbol senga.

Sho`x navo,shodlik bilan olamga ko`rsat o`zliging,

Toki yulduzli samolar boqsa boqsin lol senga.

 

 __________sinf o’quvchilari ijrosida raqs bo’lib o’tadi
1-suxandon: Endi davramizga maktab-internatimizda taxsil olayotgan o’quvchilarning ota-onalaridan taklif etsak. Ularning fikrlariga va bayram tabriglariga quloq tutsak.
2-suxandon:

Marxamat saxnamizga __________________________________________________________________ larni taklif etamiz.

1-suxandon: Hammalaringizni yana bir bor yurtimizning 24 yillik mustaqillik to`yi bilan qutlaymiz.Osmonimiz hamisha tinch, musaffo, xalqimiz sog`-salomat bo`lishsin!
(Tadbir “To`ying muborak!”ashulasi bilan yakunlanadi).