Xotira va qadrlash

9-“ Xotira va qadrlash” kuniga bag`ishlab katta guruhda o’tkazilgan bayram tadbir ssenariysi
Assalomu alaykum aziz mehmonlar, hurmatli murabbiylar! Bugun biz hayotimiz tinchligi uchun jon fido qilgan bobolarimiz va askarlarimizni xotirlash uchun yig`ildik. Xotira mangu, qadrlash barhayot. 1999- yilda birinchi Prezidentimaz I. Karimov tashabbusi bilan 9-may Xotira va qadrlash kuni deb e`lon qilindi. Mustaqillik maydonida Xotira xiyoboni barpo etildi.

Ozod O`zbekiston bosh egib bu kun

Shahid farzandlarin nomini yo`qlar

Qay biri bedarak, qay biri beun,

Uzoq sarhadlarda jimgina uxlar.

She`r.

Bunyod: Manguga tinmishdir qalb tug`yonlari

Endi xotirangiz yo`ldoshdir bizga

Qalbimning fidoyi, mard o`g`lonlari

Allohning y insonlar rahmati yog`ilsin sizga.

Boshlovchi: Shunday insonlar bo`ladiki, ularni hamma, butun xalq eslaydi, xotirlaydi. Chunki bu insonlar hayotimiz tinch, osmonimiz musaffo bo`lishi uchun o`z aziz jonlarini fido qilganlar.

Vatani, xalqi uchun xizmat qilganlar. Ularning xotirasini yuksak hurmat va ehtirom bilan yod etish, bizning insoniylik burchimiz.

Mardonbek:

Mening bobom urushda

Dushman bilan jang qilgan

Berlingacha quvalab

Yov holini tang qilgan.

Gulmira:

Bobom urushga kirganda

Dushmanlar qaltiragan

Uning mag`rur ko`ksida

Ordenlar yaltiragan

Bolalar “Chegarachi” qo`shig`ini kuylaydilar.

Boshlovchi:

Bolajonlar urush shunday yomonki, u odamlar boshiga g`am-kulfat olib keladi. Begunoh odamlar o`ladi, bolalar yetim qoladi, ochlik boshlanadi. Bu juda- juda yomon.

Umarbek:

Men tinchlik qo`shig`in kuylayman.

Men tinchlik haqida o`ylayman

Bobomlar urushda bo`lganlar

Ko`p og`ir kunlarni ko`rganlar.

Nozima:

Yovuzlar sira o`q uzmasin,

Bizlarning o`yinni buzmasin

Bobomlar urushda bo`lganlar

Ko`p og`ir kunlarni ko`rganlar.
Bolajonlar ijrosida qo`shiq:…

Boshlovchi:

Biz Vatani xalqi uchun qurbon bo`lganlarning yorqin xotirasi oldida hamisha bosh egamiz.

Bolalar:

Biz Vatani, xalqi uchun qurbon bo`lganlarning yorqin xotirasi oldida hamisha bosh egamiz.(Birgalikda takrorlaymiz)

Boshlovchi: Shahid bo`lgan bahodirlar- abadiy navqiron.

Bolalar:Shahid bo`lgan bahodirlar abadiy navqiron.

Bolalar: ( Birgalikda takrorlatmiz)

Hamma: O`zbekning tarixi o`chmaydi aslo

Tarixsiz kelajak bo`lmaydi aslo.

Bolalar ijrosida qo`shiq:…

Boshlovchi:

Xotira o`tganlarni yod etish

Qadrlash esa –tiriklarni hurmatlash, ularni mehr va e`tibor ko`rsatishdir.

Jonibek:

Dil ravshan tortib

Chaqnar edi ko`z

Hammaga yoqar

Tinchlik degan so`z.

Qo`shiq: “Tinchlik bo`lsin”

Boshlovchi: Bolajonlar sizlar o`tganlarni xotirlash va yonimizdagi aziz insonlarni qadrlash kerakligini yurakdan his etayotganingizdan nihoyatda xursand bo`ldik.
Farishtalar fayzi yog`ar yuzlaringdan

Arimasin quvonch endi, O`zbekmomo

Yursang oftob ergashadi izlaringdan

Oftob bo`lib nur soch endi, O`zbekmomo

To`kilmasin sochingdagi bitta tolang

Omon bo`l sen, omon bo`lsin dashtu dalang

Cho`pon bolang, dehqon bolang, sulton bolang

Kel duoga qo`l och endi O`zbekmomo.

Jasmina:

Vatanim quyosh

Boshimni silar

U menga ko`z-qosh

Iqbolim tilar.

Dilnura:

Quvnab erkin shod

Bo`laman katta

Baxt bor umrbod

Tinch mamlakatda Boshlovchi: Aziz o`tganlarning pok rurini xotirlab, yonimizda siz u biz uchun jon kuydirayotgan yaqinlarimizni qadrlab, hurmat ehtirom ko`rsatib, tinchlik- omonlikda yashash hammamizga nasib etsin.