Toshkent moliya instituti lotin yozuviga asoslangan

TOSHKENT MOLIYA INSTITUTI 

 

Toshkent moliya institutiga 1931 yilda asos solingan. 1962 yili u xalq xo‘jaligi institutiga 

aylantirildi. 1991 yilda xalq xo‘jaligi institutining moliya-iqtisod va hisob-iqtisod fakultetlari 

negizida Toshkent moliya instituti tashkil etildi. U bank va moliya tizimi uchun yuqori malakali 

mutaxassislar tayyorlaydi. Hozirgi kunda institutda 4,9 ming nafar talaba tahsil olmoqda. 

Bugungi kunda institutda 7 ta fakultet, 22 ta kafedra, malaka oshirish instituti, mintaqaviy 

biznes markazi, 2 ta litsey, qimmatli qog‘ozlar sohasida malaka oshirish markazi faoliyat 

ko‘rsatmoqda. 13 ta ixtisoslik bo‘yicha 3280 nafar talaba ta’lim olmoqda. Aspirantura va 

doktoranturada ilmiy-pedagog xodimlar tayyorlanmoqda. 

Institut bugungi kun talablariga javob beradigan o‘quv va moddiy-texnika bazasiga ega. 

Oliy ta’lim muassasi olimlari, moliya-kredit nazariyasi va amaliyoti bilan bog‘liq bo‘lgan ko‘p 

qirrali ilmiy-tadqiqot ishlarini olib bormoqdalar. 

Institutning maxsus o‘quv markazida xususiylashtirish o‘rganlari va qimmatli qog‘ozlar 

bozori uchun xodimlar tayyorlanadi. 

Oliy ta’lim muassasasida xalqaro aloqalar bo‘limi faoliyat ko‘rsatadi va xorijiy davlatlar, 

jumladan, AQSH, Germaniya, Buyuk Britaniya, Belgiya, Turkiya va boshqa mamlakatlar ta’lim 

muassasalari bilan o‘zaro aloqalarni amalga oshiradi. “Fulbrayt”, “Tinchlik korpusi”, “ESI”, 

“DAAD” va boshqa taniqli dasturlar bilan shartnomalar asosida ilmiy-amaliy ishlar olib boradi. Bu 

dasturlarning vakillari xorijiy tilda o‘quvchi talabalar uchun ingliz tilida ma’ruzalar o‘qishadi. ESI 

dasturining o‘qituvchilari tomonidan talabalarga ingliz tili o‘rgatiladi. Institut talabalari uchun 

“Umid” jamg‘armasi orqali to‘g‘ridan-to‘g‘ri kontraktlar asosida xorijiy davlatlarda ta’lim olish 

imkoniyati mavjud. 

Talabalar uyi, umumiy ovqatlanish shoxobchalari, yozgi dam olish maskanlari talabalar va 

professor-o‘qituvchlarga xizmat ko‘rsatadi.  

Yozgi ta’til davomida institut talabalari Chorvoq suv ombori yonida joylashgan “Iqtisodchi” 

dam olish maskanida hordiq chiqaradilar. Shu yerda AQSHdan kelgan o‘qituvchilar institut biznes 

maktabida mashg‘ulotlar o‘tkazishadi.