Sirg’anuvchi zahiralash usulida ishonchlilikning asosiy miqdoriy kriteriyalarini hisoblash

Sirg’anuvchi zahiralash usulida ishonchlilikning asosiy miqdoriy kriteriyalarini hisoblash

Zvenolar qatoridan iborat bo’lgan murakkab tizimlarning ishonchliligini ta’minlash masalasini yechishda,agar har bir zveno o’ziningboshqa zvenolardan farqli ravishda zahirani yig’ish sxemasiga ega bo’lsa, hisoblash protseduralari bir necha marta murakkablashadi. Elektr sanoati tizimlarida har bir zvenoda, maslan transformator podstansiyalarida “kopriksimon” sxema ko’rinishidagi seksiyalovchi o’chirgich (uzgich)lar qo’llanilgani uchun vazifa bir muncha qiyinlashadi. Natijada real tizim elementlari shunday ulanish yoki o’zaro tasirlashuvchi struktura ko’rinishiga keladiki , bu tizim na parallel & ketma-ket , na ketma-ket & parallel sxemaga o’xshamaydi. Murakkab tizimning ishonchlilik ko’rsatkichlarini baholash usullari o’ziga xos xususiyatlarga ega va modellar ehtimolligiga asoslangan aniq analitik hisoblash amaliy jihatdan mantiqqa to’g’ri kelmaydi. Murakkab tizimlarda ishonchlilik masalalarini yechishda bunday usullar mantiqiy-ehtimolli (ta’qiqlash yo’nalishi sifatida) hisoblash usuli , jadvalli-mantiqiy hisoblash usuli , ishonchlilikni ekspert-faktor analiz qilish usullari sifatida ishlatiladi.

Eksperimental ma’lumotlar boyicha ishonchlilik ko’rsatkichlarini analiz qilish

Avvalgi bo’limlarda tizim (obyekt) larning ishonchliligini baholash, tizimni tashkil etuvchi elementlarning ishonchlilik ko’rsatkichlari aniq ma’lum ekanligini hisobga olgan holda ishlab chiqildi. Xuddi aytilgan va belgilanganidek , ishonchlilik loyihalash bosqichidayoq tuziladi, shu bosqichda ta’minlanadi va ekspluatatsiya qilishda ham qo’llab-quvvatlanadi. Obyekt davriy siklining har bir bosqichida , uning haqiqiy ishonchliligini hisobga olish (baholash) zarur,buning uchun eksperimental ma’lumotlar talab qilinadi. Ekspluatatsiya qilishda personal tizim (obyekt) ni tashkil qiluvchi elementlar pasportlarida berilgan ishonchlilik ko’rsatkichlarini istalganidek qo’llaydi. Haqiqiy uzoq davriylik, buzilmasdan ishlash, ta’mirga yaroqlilikni baholash uchun va ularni ishlab chiqaruvchi korxona parametrlari bilan taqqoslash uchun ekspluatatsiya shartlaridan olingan ma’lumotlar juda zarur.

Ishonchlilik haqidagi ma’lumotlarning eng zarur man’basi bo’lib, ekspluatatsiya qilishda obyektlarning ishlashi haqidagi ma’lumotlarni yig’ish tizimi hisoblanadi