Шу боисдан ҳам давлатимиз қишлоқ хўжалигини техника билан қайта қуроллантиришга катта аҳамият бермоқда. Натижада машиналар парки миқдор жиҳатидан ўсиши билан бир қаторда сифат томонидан ҳам ўзгармоқда

Kirish

Ўзбекистон Республикасида моддий-техника базасини мустаҳкамлаш тадбирлари аввало деҳқончилик ва чорвачилик маҳсулотлари етиштириш ва қайта ишлаш ҳажмини янада кўпайтириш, уларнинг сифатини яхшилаш, таннархини пасайтириш ҳамда меҳнат унумдорлигини оширишни кўзда тутади. Мақсадга эришиш учун эса қишлоқ хўжалигини жадаллаштириш зарур. Ишлаб чиқаришни фан-техника ютуқлари ҳамда илғор тажрибалар асосида ташкил этмасдан, комплекс механизациялаштирмасдан ва автоматлаштирмасдан туриб, қишлоқ хўжалигини жадаллаштириш тўғрисида гап ҳам бўлиши мумкин эмас.

Шу боисдан ҳам давлатимиз қишлоқ хўжалигини техника билан қайта қуроллантиришга катта аҳамият бермоқда. Натижада машиналар парки миқдор жиҳатидан ўсиши билан бир қаторда сифат томонидан ҳам ўзгармоқда; оширилган тезликда ишловчи анча қувватли тракторлар («К-701», «Т-150К», «ДТ-75С», «МТЗ-82»), дон ва техника экинларини йиғиб олиш учун анча такомиллаштирилган комбайнлар («СК-611», «Колос», «КСК-100», «РСК-6»), автоматика ва назорат воситалари жорий қилинмоқда.
Техникадан юқори самарали фойдаланиш муаммолари билан «Машина-трактор паркидан фойдаланиш» фани шуғулланади.Бу фаннинг асоси қишлоқ хўжалиги машиналарининг ишлатиш хоссаларидан тўла фойдаланишга йўналтирилган техник, технологик ва ташкилий тадбирлар тизими қонуниятларини ўрнатиш ҳамда бу тизимни ишлаб чиқаришдан иборат. Техникадан самарали фойдаланишни амалга оширишда қишлоқ хўжалиги ишлаб чиқариши ижокорлари (новаторлари) ҳам салмоқли ҳисса қўшмоқдалар. Уларнинг тажрибаси шуни кўрсатадики, қишлоқ хўжалиги техникасидан тўғри фойдаланиш машиналар иш унумини анча оширишга, уларнинг сақланишини яхшилашга, дала ишларини қисқа муддатларда ўтказиш ва кам меҳнат ҳамда маблағ сарфлаган ҳолда экинлардан юқори ҳосил олишга имкон беради.